Protest in VBIT college: మేడ్చల్ మాల్కాజిగిరి జిల్లా ఘట్కేసర్ మండలం అవుషాపూర్‌లోని వీబీఐటీ ఇంజినీరింగ్ కళాశాల వద్ద ఘర్షణ వాతావరణం నెలకొంది. అమ్మాయిలు, అబ్బాయిలు కలిపి వాట్సాప్‌ గ్రూప్‌ను ఏర్పాటు చేశారు. అందులోని కొందరి అమ్మాయిల డీపీ ఫొటోలను తీసి వాటిని మార్పింగ్ చేసి గుర్తు తెలియని సెల్ఫోన్ల ద్వారా తిరిగి వారికే పంపిస్తున్నారు. భయందోళనకు గురైన అమ్మాయిలు కళాశాల వసతి గృహం వార్డెన్ దృష్టికి తీసుకెళ్లారు. తమకు భయంగా ఉందని వసతి గృహం నుంచి బయటకు వచ్చిన అమ్మాయిలు నిరసన తెలిపారు.
ఈ క్రమంలోనే వార్డెన్ ఘట్కేసర్ పోలీస్స్టేషన్లో ఫిర్యాదు చేయడంతో.. పోలీసులు కేసు నమోదు చేసి దర్యాప్తు చేపట్టారు. ఈ క్రమంలోనే కొందరు విద్యార్థినుల తల్లిదండ్రులు కళాశాల వద్దకు వచ్చి నిరసన చేపట్టారు. వారం రోజులుగా యాజమాన్యానికి చెప్పినా పట్టించుకోవడం లేదని వారు ఆరోపించారు. తల్లిదండ్రుల ఆందోళనకు ఎన్ఎస్యూఐ నేతలు మద్దతు తెలిపారు. ఇందులో భాగంగానే పోలీసులు, ఎన్ఎస్యూఐ నాయకుల మధ్య ఘర్షణ నెలకొంది. వారిని అదుపులోకి తీసుకున్న పోలీసులు స్టేషన్కు తరలించారు. ఎటువంటి అవాంఛనీయ ఘటనలు జరగకుండా సీఐ అశోక్ రెడ్డి ఆధ్వర్యంలో భారీ బందోబస్తు ఏర్పాటు చేశారు.
ఇవీ చదవండి: ప్రగతి భవన్ను ముట్టడించిన బీజేవైఎం.. కార్యకర్తల అరెస్టుపై బండి ఆగ్రహం
దిల్లీ యువతి మృతి కేసులో ఇంకో ట్విస్ట్.. మరో ఇద్దరి కోసం పోలీసుల వేట
