భర్త దారుణ హత్య.. భర్య పరిస్థితి విషమం
మంచిర్యాల జిల్లా రేచిని గ్రామంలో దారుణం చోటుచేసుకుంది. గురువారం అర్ధరాత్రి భార్యభర్తలపై దుండగులు కత్తులతో విచక్షణా రహితంగా దాడి చేశారు. దాడిలో గజేల్లి పోశం అక్కడికక్కడే మరణించగా, ప్రాణాలతో కొట్టుమిట్టాడుతున్న భార్య శంకరమ్మను కరీంనగర్ ఆస్పత్రికి తరలించారు.
సమాచారం తెలుసుకున్న తాండూరు సీఐ ఉపేందర్, ఎస్ఐ శేఖర్ సంఘటన స్థలానికి చేరుకుని విచారణ చేపట్టారు. జాగిలంతో తనిఖీ చేశారు. హత్య ఎందుకు చేశారు? ఎవరు చేశారు? అనే కోణంలో విచారణ చేపడుతున్నారు. మరో వైపు భూ తగాదాలే హత్యకు కారణమని పోలీసులు భావిస్తున్నారు. రెండు రోజుల క్రితమే అన్నదమ్ముల మధ్య భూముల పంచాయితీ జరిగిందని తెలిసింది.
ఇదీ చూడండి : కామారెడ్డిలో దారుణ హత్యలు.. ఇద్దరిని నరికి చంపిన దుండగులు
