ETV Bharat / state

ఆడుకుంటుండగా పామురూపంలో మృత్యువు..

author img

By

Published : Feb 16, 2021, 6:45 PM IST

A child died of snakebite in Tatipalli in Jagityala district
పాముకాటుతో చిన్నారి మృతి

అమ్మమ్మ ఇంటికి వెళ్లాలంటే ఏ పిల్లలకైనా ఆనందం ఉంటుంది. అక్కడికెళ్లి ఎంతో సంతోషంగా ఆడుకోవాలని ఆశ ఉంటుంది. అలాంటి ఓ చిన్నారి తన అమ్మమ్మ ఇంటికెళ్లింది. అక్కడ సరదాగా తనంతట తాను ఆడుకుంటుంది. ఎక్కడి నుంచి వచ్చిందో ఆ మాయదారి పాము.. ఆడుకుంటున్న చిన్నారిని కాటేసింది. ఆస్పత్రికి తరలించేలోపే బాలిక మృతి చెందింది. గుండెలు పగిలేలా తల్లిదండ్రుల రోదనలు మిన్నంటాయి. ఈ ఘటనతో ఆ ఊరిలో విషాద ఛాయలు అలుముకున్నాయి.

జగిత్యాల జిల్లా మల్యాల మండలం తాటిపల్లిలో విషాదం చోటుచేసుకుంది. గ్రామానికి చెందిన ఆశ్విక (6) అనే చిన్నారి పాముకాటుతో మృతి చెందింది. చిన్నారిని కరీంనగర్‌ ఆస్పత్రికి తరలించేలోపే మరణించింది.

జగిత్యాల పట్టణంలోని పోచమ్మవాడకు చెందిన ఆశ్విక తన అమ్మమ్మ వాళ్ల ఇంటికి వెళ్లింది. అక్కడ ఆడుకుంటుండగా ఈ ఘటన చోటు చేసుకుంది.

చిన్నారి మృతితో గ్రామంలో విషాద ఛాయలు అలుముకున్నాయి. కుటుంబ సభ్యుల రోదనలు మిన్నంటాయి. మల్యాల పోలీసులు పంచనామ నిర్వహించి కేసు నమోదు చేసి దర్యాప్తు చేస్తున్నారు.

ఇదీ చూడండి: క్షతగాత్రుడిని ఆసుపత్రికి తరలించిన మంత్రి ఎర్రబెల్లి

TAGGED:

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.