ధరణి పోర్టల్ ప్రారంభం నేపథ్యంలో తహసీల్దార్లకు నేడు శిక్షణ ఇవ్వనున్నారు. ఈ నెల 29న ధరణి పోర్టల్ను ప్రారంభించాలని ముఖ్యమంత్రి కేసీఆర్ నిర్ణయించారు. ఆరోజు మధ్యాహ్నం 12.30 గంటలకు ధరణిని సీఎం లాంఛనంగా ప్రారంభించనున్నారు.
ధరణి ద్వారా రిజిస్ట్రేషన్లు, లావాదేవీలకు సంబంధించి తహసీల్దార్లకు ఇప్పటికే ఆన్లైన్ శిక్షణ పూర్తైంది. దాని ఆధారంగా తహసీల్దార్లు ప్రయోగాత్మకంగా రిజిస్ట్రేషన్లు చేస్తున్నారు. అయితే ఈ ప్రక్రియలో సాంకేతిక సమస్యలు తలెత్తుతున్నాయి. ప్రత్యేకించి సర్వర్ సామర్థ్యం సరిపోవడం లేదని ఆరోపిస్తున్నారు. వీటన్నింటి నేపథ్యంలో రాష్ట్ర వ్యాప్తంగా తహసీల్దార్లకు మంగళవారం నాడు శిక్షణ ఏర్పాటు చేశారు. మేడ్చల్-మల్కాజిగిరి జిల్లా ఘట్కేసర్లోని అనురాగ్ విశ్వ విద్యాలయంలో తహసీల్దార్లకు తర్ఫీదు ఇవ్వనున్నారు.
ఇదీ చూడండి.. ప్రత్యేక విడత దోస్త్ రిజిస్ట్రేషన్లు, వెబ్ ఆప్షన్ల గడువు పొడిగింపు
