హైదరాబాద్ చాదర్ఘట్ పోలీసు స్టేషన్ పరిధిలో మైనర్ బాలికపై ఓ యువకుడు అత్యాచారానికి పాల్పడిన ఘటనను రాష్ట్ర ఎస్సీ, ఎస్టీ కమిషన్ ఛైర్మన్ ఎర్రోళ్ల శ్రీనివాస్ సుమోటాగా స్వీకరించారు. ఘటనపై వెంటనే విచారణ చేపట్టి నిందితుడిపై కఠిన చర్యలు తీసుకోవాలని పోలీసు అధికారులను ఆదేశించారు. పూర్తిస్థాయి నివేదిక సమర్పించాలని సూచించారు.
రెవెన్యూ అధికారులతో మాట్లాడి... బాధితురాలికి పరిహారం అందించాలని తెలిపారు. న్యాయం జరిగేవరకు అన్ని విధాలుగా అండగా ఉండాలని సూచించారు. ఇటువంటి ఘటనలు పునరావృతం కాకుండా కఠిన చర్యలు తీసుకోవాలని పోలీసు అధికారులకు ఎర్రోళ్ల శ్రీనివాస్ సూచించారు.
