Fake Certificates Gang Arrest: నకిలీ ఎడ్యుకేషన్ సర్టిఫికెట్స్ తయారు చేసి అమ్ముతున్న ముఠాను ఎల్బీనగర్ ఎస్ఓటీ బృందంతో కలిసి చైతన్య పురి పోలీసులు పట్టుకున్నారు. ఈ కేసులో ప్రధాన నిందితుడు మిర్యాల ఆనంద్తో పాటు మల్లేపాక హేమంత్, షేక్ షాహిన్ అనే ముగ్గురు నిందితులను అరెస్ట్ చేశారు. మరో నిందితుడు కళ్యాణ్ పరారీలో ఉన్నట్లు రాచకొండ సీపీ మహేష్ భగవత్ వెల్లడించారు.
ప్రధాన నిందితడు ఆనంద్ కుమార్ చైతన్య పురిలో ఫ్లెక్సీ డిజైనింగ్ వర్క్ చేస్తుంటాడు. డబ్బులు సరిపోక మరో ముగ్గురితో కలిసి నకిలీ సర్టిఫికెట్లను తయారు చేసి అమ్ముతున్నట్లు సీపీ తెలిపారు. పరీక్షల్లో ఫెయిల్ అయ్యి.. చదువు మధ్యలో అపేసి ఇతర దేశాలకి వెళ్లాలనుకున్న విద్యార్థులను టార్గెట్ చేసి ఈ నకిలీ సర్టిఫికెట్లు విక్రయిస్తున్నట్టు వెల్లడించారు. వీసా కోసం, ప్రైవేట్ సంస్థల్లో ఉద్యోగాల కోసం నిరీక్షంచే వ్యక్తుల నుంచి ఒక్కో సర్టిఫికెట్కు 50 నుంచి 60వేలు రూపాయలు తీసుకుంటున్నారని సీపీ మహేష్ భగవత్ వివరించారు.
తమకందిన సమాచారంతో నిందితులను అరెస్ట్ చేసి వారి నుంచి ఎస్ఎస్సీ ఇంటర్మీడియట్, డిగ్రీ ఉస్మానియా యూనివర్సిటీ, జేఎన్టీయూ, కాకతీయ, ఆంధ్ర, ఆచార్య, గీతం, వివిధ యూనివర్సిటీలకు చెందిన నకిలీ సర్టిఫికెట్లు కంప్యూటర్స్, నకిలీ లోన్ సాంక్షన్ లెటర్స్, నకిలీ కోవిడ్ సర్టిఫికెట్స్ స్వాధీనం చేసుకున్నామని సీపీ తెలిపారు.
ఇవీ చదవండి:
