Khairatabad Ganesh Height 2023 : వినాయక చవితి వస్తుందంటే చాలు.. రాష్ట్ర ప్రజలందరి దృష్టి ఖైరతాబాద్ గణేషుడిపైనే ఉంటుంది. ఈసారి ఎన్ని అడుగుల్లో దర్శనమివ్వనున్నారు.. ఏ అవతారంలో కనువిందు చేయనున్నారనే దానిపైనే అందరి ఫోకస్‌ ఉంటుంది. భక్తులంతా ఎప్పుడెప్పుడా అని ఎదురుచూస్తున్న ఖైరతాబాద్ మహాగణపతి విగ్రహం నమూనా (Khairtabad Ganesh poster 2023) వచ్చేసింది. ప్రపంచవ్యాప్తంగా గుర్తింపు పొందిన ఖైరతాబాద్ మహా గణపతి విగ్రహం.. ఈ ఏడాది 63 అడుగుల్లో శ్రీ దశమహా విద్యాగణపతిగా రూపుదిద్దుకుంటున్నట్లు నిర్వాహకులు తెలిపారు.
Ganesh Chaturthi Hyderabad 2023 : పర్యావరణ హితం కోసం మట్టి గణపతినే ఏర్పాటు చేస్తున్నట్లు పేర్కొన్నారు. ఖైరతాబాద్లో గణేశుని ఉత్సవాలు ప్రారంభమై ఈ ఏడాదితో 69 ఏళ్లు అవుతోంది. ఏటా సిద్ధాంతి విఠలశర్మ సూచనతో నమూనా సిద్ధం చేయడం ఆనవాయితీగా వస్తోంది. ఆ ప్రకారమే ప్రస్తుత పరిస్థితులను అనుగుణంగా ఆయన సూచనల ప్రకారం నామకరణం చేశారు.
కోలాహలంగా ఖైరతాబాద్.. లంబోదరుడి దర్శనానికై జనసందోహం
63 Feet Khairatabad Ganesh Idol 2023 : విగ్రహం ఎత్తు 63 అడుగులు, వెడల్పు 28 అడుగులుగా ఉండనుంది. నిల్చున్న తీరులో 'శ్రీ దశమహా విద్యాగణపతి' విగ్రహం ఉండగా.. తలపై ఏడు సర్పాలు ఉండనున్నాయి. వెనక సంస్కృతంలో రాసిన గ్రంథం కనిపిస్తుంది. పది చేతులు ఉంటాయి. కుడి వైపు చేతుల్లో కింద నుంచి పైకి ఆశీర్వాదం, దండ, వరి ధాన్యం, తల్వార్, బాణం ఉంచుతారు. ఎడమవైపు కింద నుంచి పైకి చేతిలో లడ్డూ, గ్రంథం, తాడు, అంకుశం, బాణం ఉంటాయి. కాళ్ల వద్ద అటూ ఇటూ పది అడుగుల ఎత్తున వరాహదేవి, సరస్వతీ దేవి విగ్రహాలు ఉంటాయి.
Khairtabad Ganesh Height 2023 : ఈ ఏడాది ఖైరతాబాద్ గణేశ్ ఎత్తు ఎంతో తెలుసా..?
రెండు వైపులా ప్రత్యేక మండపాలు : ఏటా మాదిరిగానే ప్రధాన మండపం రెండు వైపులా ఏర్పాటు చేసి.. ఇతర విగ్రహాలను ఏర్పాటు చేయనున్నారు. కుడువైపు శ్రీ పంచముఖ లక్ష్మీ నారసింహస్వామి, ఎడమవైపు శ్రీ వీరభద్ర స్వామి వార్ల విగ్రహాలు దాదాపు 15 అడుగుల ఎత్తున రూపుదిద్దుకొంటున్నాయి. సెప్టెంబరు 18న వినాయక చవితి వేడుకలు ప్రారంభం కాగా.. 28 వరకు నిర్వహిస్తారు. విగ్రహం తయారీ పనులు 50 శాతానికి పైగా పూర్తయ్యాయని, వినాయక చవితికి మూడు రోజుల ముందుగానే భక్తులు వీక్షించేందుకు అందుబాటులోకి తేనునట్లు ఉత్సవ కమిటీ ప్రతినిధులు తెలిపారు.
Khairtabad Ganesh Height 2022 : ఖైరతాబాద్ గణనాథుడు ప్రతి ఏడాది ఒక్కో రూపంలో భక్తులకు దర్శనమిస్తుంటారు. ఈ వినాయకుడిని చూడటానికి తెలుగు రాష్ట్రాలతో పాటు ప్రపంచ వ్యాప్తంగా ఎంతో మంది భక్తులు వస్తుంటారు. గతేడాది 50 అడుగుల ఎత్తులో మట్టి విగ్రహాన్ని రూపొందించగా.. శ్రీ పంచముఖ లక్ష్మీ మహాగణపతి రూపంలో గణనాథుడు దర్శనమిచ్చాడు. ఈ ఏడాది శ్రీ దశమహా విద్యాగణపతి రూపంలో దర్శనమిస్తారు.
ఖైరతాబాద్కు పోటెత్తిన భక్తులు.. ఎక్కడికక్కడే స్తంభించిన ట్రాఫిక్‌
ఖైరతాబాద్లో కొలువుదీరిన బడా గణేశుడు.. గవర్నర్‌ తమిళిసై తొలిపూజ
