Asia Cup Hockey: ఆసియా కప్లో అద్భుత ప్రదర్శనతో భారత హాకీ జట్టు నాకౌట్ దశకు చేరింది. పూల్-ఎలో చివరి మ్యాచ్లో ఇండోనేసియాపై 16-0 తేడాతో విజయం సాధించింది. నాకౌట్ దశకు అర్హత సాధించాలంటే ఇండోనేసియాపై 15 గోల్స్ తేడాతో గెలవాల్సిన పరిస్థితిలో.. భారత పురుషుల హాకీ జట్టు 16 గోల్స్ చేసి అద్భుతం చేసింది.
రెండో క్వార్టర్ ముగిసే సమయానికి ఇండోనేసియాపై 6-0తో ఆధిక్యం సంపాదించింది భారత్. ఆధిక్యం ఎక్కువగానే ఉన్నప్పటికీ టోర్నీ నుంచి నిష్క్రమణ తప్పదేమోనన్న అనుమానాలు మొదలయ్యాయి. కానీ భారత హాకీ ఆటగాళ్లు.. మిగిలిన రెండు క్వార్టర్స్లో 10 గోల్స్ చేసి సంచలన విజయం సాధించారు. భారత ఆటగాడు దిప్సన్ టిర్కీ 5 గోల్స్తో అదరగొట్టాడు. ఈ విజయంతో జపాన్తో పాటు భారత్ నాకౌట్కు అర్హత సాధించింది. ఆసియా కప్లో పాకిస్థాన్తో జరిగిన తొలి మ్యాచ్ను 1-1తో డ్రా చేసుకున్న భారత్, జపాన్ చేతిలో 2-5 తేడాతో ఓడిపోయింది.
ఇదీ చదవండి: మెల్ట్వాటర్ ఛాంపియన్స్ చెస్ ఫైనల్లో ప్రజ్ఞానంద హోరాహోరీ