Dutee Chand Doping Test : భారత ఏస్ అథ్లెట్, 100 మీటర్ల రికార్డు హోల్డర్ ద్యుతీచంద్పై యాంటీ డోపింగ్ ప్యానెల్‌ నాలుగు సంవత్సరాల నిషేధం విధించింది. డోపింగ్ పరీక్షల్లో ఫెయిలైనందుకుగాను ఆమెపై నిషేధం విధిస్తున్నట్లు జాతీయ డోపింగ్ నిరోధక ఏజెన్సీ (NADA) పేర్కొంది. నిషేధంలో ఉన్న 'సెలక్టివ్‌ ఆండ్రోజన్‌ రిసెప్టర్‌ మాడ్యులేటర్స్‌'ను ఆమె తీసుకున్నట్లు.. నాడా డిసెంబర్లో నిర్వహించిన టెస్టులో తేలింది. కాగా ఈ నిషేధం ఈ ఏడాది జనవరి 3 నుంచి అమలులోకి వస్తుందని నాడా తెలిపింది.
దీంతో డిసెంబర్ 5 నుంచి ద్యుతీచంద్ సాధించిన ఫలితాలు పరిగణలోకి రావని నాడా పేర్కొంది. అలాగే ద్యుతీ గెలిచిన పతకాలు, బహుమతులను నాడా స్వాధీనం చేసుకోనుంది. కాగా ఈ నిషేధంపై, అధికారికంగా లెటర్ అందుకున్న 21 రోజుల్లోపు తాను ఎదుర్కొంటున్న వేటుపై రివ్యూ పిటిషన్ వేసుకోవచ్చునని నాడా స్పష్టం చేసింది.
కాగా 2018లో జాతీయ అంతర్‌ రాష్ట్ర అథ్లెటిక్స్‌ ఛాంపియన్‌షిప్‌ (Inter State Championship) ఫైనల్స్లో ద్యుతీచంద్.. 11.32 సెకన్లలో రేసును ముగించి గోల్డ్ మెడల్ దక్కించుకున్నారు. కాగా 2020లో ద్యుతీచంద్కు అర్జున అవార్డు లభించింది.
Dutee Chand Olympics 2016 : ఒడిశాకు చెందిన క్రీడాకారిని ద్యుతీ.. పరుగుల రాణి పీటీ ఉష తర్వాత భారత్ నుంచి ఒలింపిక్స్కు (2016) అర్హత సాధించిన తొలి అథ్లెట్గా నిలిచారు. ఈమె కూడా ఇదే తొలి ఒలింపిక్స్. కానీ 100 మీటర్ల పోటీలో ఓటమి చవిచూశారు.
Dutee Chand Olympics 2021 : తర్వాత 2021 టోక్యో ఒలింపిక్స్లోనూ పాల్గొన్న ద్యుతీ.. 100 మీటర్ల రేసులో మరోసారి విఫలమయ్యారు. ఆ పోటీల్లో హీచ్ 5 లో పాల్గొన్న ద్యుతీ.. 11.54 సెకన్లలో రేసును పూర్తి చేసి ఏడో స్థానానికి పరిమితమయ్యారు. అయితే ప్రతి హీట్లో టాప్-3 లో ఉన్నవారే సెమీఫైనల్స్ పోరుకు అర్హత సాధిస్తారు.
Dutee Chand Relationship : గతంలో తనను తాను స్వలింగ సంపర్కురాలిగా ప్రకటించుకున్నారు ద్యుతీచంద్. ఇలా స్వయంగా స్వలింగ సంపర్కురాలిగా చెప్పకున్న తొలి భారత అథ్లెట్గా కూడా నిలిచారు. కాగా 2019లో తన ప్రియురాలు మోనాలీసాతో లివ్ ఇన్ రిలేషన్షిప్లో ఉన్నట్లు తెలిపారు. ఈ ప్రకటనతో కుటుంబం నుంచి ఎన్నో ఇబ్బందులు ఎదుర్కొన్నట్లు అప్పట్లో ద్యుతీ తెలిపారు.
