హాకీ దిగ్గజం ధ్యాన్చంద్ పుట్టినరోజైన ఆగస్టు 29న ప్రతిఏటా జాతీయ క్రీడా దినోత్సవంగా జరుపుకుంటారు. క్రీడల్లో అసాధారణ ప్రతిభ చూపిన వారిని అత్యున్నత పురస్కారాలతో కేంద్రం ఆ రోజు సత్కరిస్తుంది. ఈ ఏడాదితో ధ్యాన్చంద్ జన్మించి 115 వసంతాలు పూర్తవనున్నాయి. ఈ క్రమంలోనే దేశానికి ఎంతో పేరు తీసుకొచ్చిన మేజర్ ధ్యాన్చంద్కు భారతరత్న ప్రకటించాలన్న అంశం మరోసారి తెరపైకి వచ్చింది. ఈ అవార్డును ఆయనకు ప్రకటించి నిజమైన నివాళి అర్పించాలని ప్రస్తుత, మాజీ హాకీ ఆటగాళ్లు డిమాండ్ చేశారు.
ప్రముఖ ఆటగాళ్లు గుర్బుక్స్ సింగ్, హర్బిందర్ సింగ్, అశోక్ కుమార్ సహా యువరాజ్ వాల్మీకి వర్చువల్ సమావేశం ద్వారా ఈ విషయమై చర్చించారు. ధ్యాన్చంద్కు భారత రత్న ప్రకటించాలంటూ టీమ్ఇండియా మాజీ సారథి సౌరభ్ గంగూలీ, నటుడు బాబుషాన్ మోహంతి, రాచెల్ ఆధ్వర్యంలో గతేడాది నుంచి డిజిటల్ ప్రచారం ప్రారంభించారు. ఇందులో భాగంగానే ఈ చర్చ సాగింది.
భారత్‌ తరఫున 1928, 1932, 1936 ఒలింపిక్స్లో పాల్గొని స్వర్ణపతకాలందించారు ధ్యాన్ చంద్. క్రీడారంగంలో భారతరత్నను 2013లో ప్రవేశపెట్టారు. దిగ్గజ క్రికెటర్ సచిన్కు మొదటగా ఈ అవార్డు ఇచ్చారు. అయితే ఈ పురస్కారానికి అతడి కంటే ముందే ధ్యాన్చంద్ అర్హులని చాలా మంది క్రీడాకారులు భావించారు. ఆయనకు భారతరత్న ఇవ్వాలని ధ్యాన్చంద్ తనయుడు అశోక్ కుమార్ సహా భారత దిగ్గజ ఆటగాళ్లు కొంతకాలంగా డిమాండ్ చేస్తున్నారు. దీనిపై ప్రభుత్వం నుంచి ఎలాంటి స్పందన రాలేదు.
ఇది చూడండి: పాక్ క్రికెటర్ డేటింగ్ రద్దుకు కారణమైన ధోనీ!
