ఉమెన్స్ ప్రీమియర్ లీగ్ 2023 తొలి సీజన్లో ముంబయి ఇండియన్స్ జట్టు ప్రదర్శన గురించి క్రికెట్ అభిమానులకు ప్రత్యేకంగా చెప్పనక్కర్లేదు. ఐపీఎల్ మెగాలీగ్లో మెన్స్ టీమ్ ఎలాంటి ఆధిపత్యాన్ని ప్రదర్శిస్తుందో... అలాగే ఈ మహిళల లీగ్లోనూ టైటిల్ ఫేవరెట్గా బరిలోకి దిగిన హర్మన్ ప్రీత్ సేన తిరుగులేని ఆధిపత్యాన్ని చూపిస్తోంది. ఆడిన ఐదు మ్యాచుల్లో విజయకేతనం ఎగురవేసిన ముంబయి ఇండియన్స్.. మరో రెండు మ్యాచులు మిగిలి ఉండగానే ప్లేఆఫ్స్కు అర్హత సాధించిన తొలి జట్టుగా నిలిచింది.
మరోపైపు ఈ ఉమెన్స్ ప్రీమియర్ లీగ్ టైటిల్ ఫేవరెట్గా బరిలోకి దిగిన మరో జట్టు రాయల్ ఛాలెంజర్స్ బెంగళూరు మాత్రం పేలవ ప్రదర్శనతో చతికిల పడుతోంది. ఇంకా చెప్పాలంటే ఐపీఎల్లో ఆర్సీబీ మెన్స్ టీమ్ ఎలా అయితే అంచనాలతో బరిలోకి దిగి చతికిల పడుతుందో ఇప్పుడు దాన్నే కొనసాగిస్తోంది అమ్మాయిల జట్టు. ఈ సీజన్లో ఒక్క విజయం కోసం ఎంతో ఆశగా ఎదురుచూస్తూ బోణీ కొట్టాలని ఆశిస్తోంది. తొలి ఐదు మ్యాచుల్లో చిత్తుగా ఓడిన స్మృతి మంధాన సేన.. ప్లేఆఫ్స్ చేరేది కష్టమే అని క్రికెట్ అభిమానులు అంటున్నారు.
అయితే ఈ ప్రదర్శన విషయం పక్కన పెడితే.. ఇక్కడ ఓ సెంటిమెంట్ ప్రకారం ఉమెన్స్ లీగ్లో ముంబయి ఇండియన్సే ట్రోఫీని ముద్దాడుతుందని అభిమానులు భావిస్తున్నారు. ఎందుకంటే ఐపీఎల్ 2008 తొలి సీజన్లో ప్లేఆఫ్స్కు అర్హత సాధించిన ఫస్ట్ టీమ్ రాజస్థాన్ రాయల్స్. అలానే ఈ టీమే ఆ సీజన్ టైటిల్ను గెలుచుకుంది. అలాగే డబ్ల్యూపీఎల్ 2023 తొలి సీజన్లోనూ నాకౌట్‌ స్టేజీకి వెళ్లిన తొలి జట్టుగా నిలిచింది ముంబయి ఇండియన్స్. కాబట్టి ఐపీఎల్ తొలి సీజన్లో ప్లేఆఫ్స్‌కి వెళ్లిన తొలి జట్టు ట్రోఫీని ముద్దాడడంతో.. ఈ డబ్ల్యూపీఎల్లోనూ ప్లేఆఫ్స్కు వెళ్లిన తొలి జట్టు ముంబయి ఇండియన్సే టైటిల్ గెలుస్తుందని అనుకుంటున్నారు. చూడాలి మరి ఏం జరుగుతుందో. కాగా, మూడు అర్ధ సెంచరీలు చేయడంతో పాటు మూడు సార్లు 'ప్లేయర్ ఆఫ్ ది మ్యాచ్' నిలిచిన హర్మన్ ప్రీత్ కౌర్‌.. అలాగనే 5 మ్యాచుల్లో 12 వికెట్లు పడగొట్టిన సైకా ఇషాక్.. ముంబయి విజయాల్లో కీలకంగా వ్యవహరిస్తున్నారు.
ఇకపోతే.. ఈ లీగ్ ఫస్ట్ మ్యాచ్‌లో గుజరాత్ జెయింట్స్‌పై 143 పరుగుల భారీ తేడాతో గెలిచిన ముంబయి ఇండియన్స్, ఆర్సీబీతో జరిగిన మ్యాచ్‌లో 9 వికెట్ల తేడాతో మరో విజయాన్ని తన ఖాతాలో వేసుకుంది. అలాగే దిల్లీ క్యాపిటల్స్‌తో జరిగిన మ్యాచ్‌లో 8 వికెట్ల తేడాతో విజయం సాధించిన ముంబయి.. ఆ తర్వాత యూపీ వారియర్స్‌ను కూడా 8 వికెట్ల తేడాతో ఓడించింది. అలా మొదటి రౌండ్‌లో నాలుగు జట్లను ఓడించిన ముంబయి.. రెండో రౌండ్లోనూ అదే జోరు కొనసాగిస్తూ.. గుజరాత్ జెయింట్స్‌ను 55 పరుగుల తేడాతో ఓడించి ప్లేఆఫ్స్కు అర్హత సాధించింది. ఐపీఎల్, డబ్ల్యూపీఎల్ హిస్టరీలో మొదటి ఐదు మ్యాచుల్లో గెలిచిన తొలి జట్టుగా నిలిచింది ముంబయి. ఇదీ చూడండి: నార్వే గ్రూప్తో కోహ్లీ డ్యాన్స్.. ఫైర్ అయిన అనుష్క శర్మ!
