Virat Kohli Century : టీమ్ఇండియా గత కొన్నేళ్లుగా ఎన్నో ఒడుదొడుకులను ఎదుర్కొంటోంది. అయినప్పటికీ సమిష్టి కృషితో ముందుకు సాగుతూ దూసుకెళ్తోంది. గతంలో జరిగిన కొన్ని మ్యాచుల్లో విజయాలను తమ ఖాతాల్లో వేసుకోగా.. కొన్నింటిలో ఓటమితో వెనుదిరిగింది. ప్లేయర్స్లో ఉన్న చెక్కు చెదరని విశ్వాసం తమ జట్టుకు బలాన్ని చేకురుస్తోంది. రోహిత్, విరాట్, రహానే లాంటి సీనియర్ బ్యాటర్లతో పాటు శుభ్మన్ గిల్, యశస్వి జైస్వాల్, ఇషాన్ కిషన్ లాంటి ప్లేయర్లను కలిగిన టీమ్ఇండియా.. తాజాగా జరిగిన విండీస్ టెస్ట్లో చెలరేగిపోయింది. వెస్టిండీస్ టూర్లో ఏమాత్రం తగ్గని భారత ప్లేయర్లు మైదానంలో దూసుకెళ్లి సెంచరీలు, అర్ధ సెంచరీలను తమ ఖాతాల్లోకి వేసుకున్నారు. అయితే ఇప్పుడు అందరి ద ఏస్ బ్యాటర్ విరాట్ కోహ్లిపై పడింది. విండీస్ టెస్ట్లో మంచి ఫామ్ కనిపించినప్పటికీ.. అతని ఆట తీరు ఇంకొంచం మెరుగుపడాలంటూ కామెంట్లు వెల్లువవుతున్నాయి.
Virat Kohli Test : సెంచరీ కోసం ఎదురుచూసిన కోహ్లీ.. గత కొంత కాలంగా ఫామ్ విషయంలో కాస్త తడబడుతూ వస్తున్నాడు. దాదాపు ఐదేళ్ల పాటు ఓవర్సీస్లో ఒక్క సెంచరీని కూడా తన ఖాతాలోకి వేసుకుని విరాట్.. వెస్టిండీస్తో జరిగిన టెస్ట్తో తన సత్తా చాటాడు. తాజాగా జరిగిన 500వ అంతర్జాతీయ మ్యాచ్లో 181 బంతుల్లో కోహ్లr తన సెంచరీ మార్క్‌ను అందుకున్నాడు. అయినప్పటికీ కోహ్లీ ఫామ్ విషయంలో విలేకరుల నుంచి పదే పదే అనేక ప్రశ్నలు తలెత్తున్నాయి. సందర్భంతో తేడా లేకుండా మీడియా సమావేశాల్లో తప్పక ఈ ప్రశ్నను అడుగుతూ కనిపిస్తున్నారు. దీంతో విస్తుపోయిన టీమ్ఇండియా కెప్టెన్ రోహిత్ శర్మ తాజాగా జరిగిన మీడియా సమావేశంలో ఘాటుగా సమాధానమిచ్చాడు. ఈ ప్రశ్నకు ఇప్పటికే చాలా సార్లు సమాధానమిచ్చానని చెప్పిన రోహిత్.. 'డ్రెస్సింగ్ రూంలో ఏం జరుగుతుందో ఇలా మాట్లాడేవాళ్లకి తెలియదంటూ కామెంట్ చేశాడు.
"నేను ఈ ప్రశ్నకు ఇప్పటికే చాలాసార్లు సమాధానం ఇచ్చాను. ఎవరు ఎంత స్కోర్ చేశారు, ఎన్ని వికెట్లు తీశారు లాంటి మాటలు బయట కూర్చున్న వ్యక్తులు బాగానే చర్చిస్తారు. కానీ వారు మాట్లాడే సమయంలో లోపల ఏమి జరుగుతుందో వారికి తెలియదు. అంతర్గతంగా జరిగే చర్చలు లోపలే ఉంటాయి. అవి అక్కడే ఉండాలని మేము కోరుకుంటున్నాము. అలాంటి విషయాలన్నింటిని మేము పట్టించుకోము. నేను ఇప్పటికే చాలా సార్లు చెప్పాను ఇక భవిష్యత్తులోనూ ఇదే చెబుతాను. మేము సిరీస్‌ ఎలా గెలుస్తాం అన్న విషయంపై దృష్టి సారిస్తాము. ఎవరు ఏమి మాట్లాడుతున్నార విషయంపై కాదు." అని రోహిత్ విలేకరుల ప్రశ్నకు సమాధానమిచ్చాడు.
