Venkatesh Iyer All-Rounder: దక్షిణాఫ్రికాతో జరగనున్న వన్డే సిరీస్కు ఎంపికవడంపై హర్షం వ్యక్తం చేశాడు యువ ఆటగాడు వెంకటేశ్ అయ్యర్. ఈ పర్యటన కోసం సన్నద్ధమవుతున్నట్లు తెలిపాడు. అక్కడి పిచ్లపై ఎలా రాణించాలనే విషయమై తన వద్ద కొన్ని ప్రణాళికలు ఉన్నట్లు చెప్పాడు.
"వచ్చిన అవకాశాల్ని సద్వినియోగం చేసుకుంటా. అయితే ఏరోజు చేయాల్సిన పనిని ఆరోజే చేస్తా. బౌన్స్ పిచ్లపై ఓ బౌలర్, ఫీల్డర్, బ్యాటర్గా ఎలా రాణించాలనేదానిపై కసరత్తులు చేయాలి. దక్షిణాఫ్రికాకు చేరుకోగానే ప్రాక్టీస్ సెషన్లో పాల్గొంటాను. ప్రస్తుతం నా దృష్టంతా దక్షిణాఫ్రికా పర్యటన పైనే ఉంది. పిచ్పై ఎలా ఆడాలో నాకు కొన్ని ప్రణాళికలు ఉన్నాయి. ఆల్రౌండర్గా ఎదగాలన్నదే నా కల. ఇందుకోసం బ్యాటింగ్, బౌలింగ్ మాత్రమే కాదు ఫీల్డింగ్లోనూ రాణించాలి. నాయకత్వ లక్షణాలు కూడా కనబరచాలి. అవసరమైనప్పుడు కెప్టెన్కు మంచి సలహాలు ఇవ్వాలి."
--వెంకటేష్ అయ్యర్, టీమ్ఇండియా ఆటగాడు.
సారథి కాకపోయినా జట్టులో కీలకంగా వ్యవహరించడం అవసరం అని వెంకటేష్ అన్నాడు. దీనిపై శ్రద్ధ పెడుతున్నట్లు చెప్పుకొచ్చాడు. ఫినిషర్గా, టాప్ ఆర్డర్ బ్యాటర్గా ప్రస్తుతం బాగానే రాణిస్తున్నట్లు ధీమా వ్యక్తం చేశాడు.
టీ20ల్లో గతేడాది న్యూజిలాండ్ సిరీస్తో అరంగేట్రం చేసిన వెంకటేశ్.. దక్షిణాఫ్రికాతో జరగనున్న వన్డే సిరీస్తో వన్డేల్లోకి ఎంట్రీ ఇవ్వనున్నాడు. ఇటీవల జరిగిన సయ్యద్ ముస్తక్ అలీ, విజయ్ హజారే ట్రోఫీల్లోనూ అద్భుత ప్రదర్శన చేసి సెలక్టర్ల దృష్టిలో పడ్డాడు.
ఇదీ చూడండి:
