ఛాన్స్ దొరికిన ప్రతిసారీ ఏదో ఒక రూపంలో నెట్టింట్లో హాట్ టాపిక్గా మారడం ఊర్వశి రౌతేలాకు అలవాటు. ఆమె గత కొంత కాలంగా క్రికెటర్ రిషభ్ పంత్ ప్రస్తావన తెచ్చేలా పరోక్షంగా తన సోషల్ మీడియా హ్యాండిల్స్లో ఎన్నో పోస్టులు చేసింది. దీంతో ఆమె అతడ్ని ఇష్టపడుతోందని అభిమానులు అంటున్నారు. అయితే ఈ మాటలను ఇరువురు బలంగా కొట్టిపారేస్తున్నారు. కానీ ఆమె తాజాగా పెట్టిన పోస్ట్తో మరోసారి నెటిజన్లు ఇందులో కచ్చితంగా ఏదో రహస్యం ఉందని అంటున్నారు. ఇంతకీ ఆ పోస్ట్ ఏంటంటే.
రోడ్డు ప్రమాదానికి గురైన టీమిండియా ప్లేయర్ రిషభ్ పంత్ దెహ్రాదూన్లో ప్రాథమిక చికిత్స తీసుకున్న తర్వాత తదుపరి ట్రీట్మెంట్ కోసం ముంబుయిలోని కోకిలాబెన్ ధీరూభాయ్ అంబానీ ఆస్పత్రికి చేరుకున్నాడు. అక్కడుండే ఇక తను చికిత్స తీసుకుంటాడని బీసీసీఐ సైతం తెలిపింది. ఈ క్రమంలో తాజాగా రిషభ్ గురించి ఓ వార్త సామాజిక మాధ్యమాల్లో వైరలవుతోంది.
పంత్ ప్రమాదానికి గురైన కొన్ని గంటల తర్వాత 'ప్రార్థిస్తున్నా' అని ఊర్వశి రౌతేలా పోస్ట్ చేసింది. అదే సమయంలో ఆ రోజు ఫుట్బాల్ దిగ్గజం పీలేతో పాటు ప్రధాన మంత్రి నరేంద్ర మోదీ తల్లి కన్నుమూశారు. దీంతో ఈ పోస్ట్ ఆమె చేసుండచ్చు అని కొందరకు అంటుండగా.. లేదు ఆమె పంత్ కోసమే ఈ పోస్ట్ పెట్టారని మరికొందరు కామెంట్లు పెడుతున్నారు.
అయితే గురువారం ముంబయిలో ఉన్న రౌతేలా మరోసారి గాసిప్స్ను నిజం చేసేలా ఓ పోస్ట్ పెట్టింది. అదేందంటే.. తన ఇన్‌స్టాగ్రామ్‌ స్టోరీలో ముంబయిలోని కోకిలాబెన్ ధీరూభాయ్ అంబానీ ఆసుపత్రి ఫొటోను షేర్‌ చేసింది. అది కూడా పంత్ను ముంబయికి షిప్ట్‌ చేసిన కొన్ని గంటల సమయంలోనే ఆమె ఈ పోస్ట్ చేయడం గమనార్హం.
పంత్-ఊర్వశి రిలేషన్‌షిప్‌లో ఉన్నారంటూ గతంలో రూమర్స్ వచ్చాయి. 2018 నుంచి వీరిద్దరూ డేటింగ్‌లో ఉన్నట్లు వార్తలు నెట్టింట చక్కర్లు కొట్టాయి. ఇద్దరూ కలిసి రెస్టారెంట్లు, షాపింగ్‌, పార్టీలు అంటూ తిరిగారు. ఇందుకు సంబంధించిన ఫొటోలు.. వీరు డేటింగ్‌లో ఉన్నారన్న వార్తలకు బలం చేకూర్చాయి. అయితే, 2019లో ఈ వార్తలను స్వయంగా పంత్ ఖండించాడు. తనకు ఆల్రెడీ ఓ గర్ల్‌ఫ్రెండ్‌ ఉందని, ఆమెతోనే తాను రిలేషన్లో ఉన్నట్లు స్పష్టం చేశాడు. అయినప్పటికీ పంత్-ఊర్వశిపై పుకార్ల వెల్లువ ఆగట్లేదు.
