మహేంద్రసింగ్ ధోనీ నాయకత్వంలో టీమ్ఇండియా, ఐసీసీ ఛాంపియన్స్ ట్రోఫీ గెలుచుకుని అప్పుడే ఎనిమిదేళ్లు పూర్తయింది. అప్పటికే టీ20, వన్డే ప్రపంచకప్లు గెలిచి భారత జట్టు అద్భుతమైన ఫామ్లో ఉన్న భారత జట్టుకు అప్పట్లో అది ఫుల్ జోష్ ఇచ్చిన ట్రోఫీ.
ఇంగ్లాండ్లోని ఎడ్జ్బాస్టన్ వేదికగా జరిగిన ప్రపంచ ఛాంపియన్స్ ట్రోఫీ తుదిపోరులో భారత్, ఇంగ్లాండ్ పోటీ పడ్డాయి. వర్షం కారణంగా మ్యాచ్ను 20 ఓవర్లకు కుదించారు. తొలుత బ్యాటింగ్ చేసిన టీమ్ఇండియా 7 వికెట్ల నష్టానికి 129 పరుగులు చేసింది. విరాట్ కోహ్లీ (43), రవీంద్ర జడేజా (33) రాణించడం వల్ల భారత్ మెరుగైన స్కోరు చేసింది.
130 పరుగుల లక్ష్యంతో బరిలో దిగిన ఇంగ్లీష్ జట్టు నిర్ణీత ఓవర్లలో 8 వికెట్లు కోల్పోయి కేవలం 124 పరుగులు చేసి ఓడిపోయింది. ఓపెనర్లు విఫలమైనా.. మోర్గాన్ (33), బొపారా (30) మంచి భాగస్వామ్యాన్ని నెలకొల్పారు. అయినా జట్టుకు విజయాన్ని అందించలేకపోయారు. ఫలితంగా 5 పరుగుల తేడాతో ఇంగ్లాండ్పై టీమ్ఇండియా విజయం సాధించి ట్రోఫీని కైవసం చేసుకుంది. 'మ్యాన్ ఆఫ్ ది మ్యాచ్'గా రవీంద్ర జడేజా, 'మ్యాన్ ఆఫ్ ది సిరీస్'గా శిఖర్ ధావన్లు నిలిచారు.
రెండోసారి విజేతగా..
ఆస్ట్రేలియా తర్వాత ఒకటి కంటే ఎక్కువసార్లు ఐసీసీ ఛాంపియన్స్ ట్రోఫీ గెలిచిన రెండో జట్టుగా టీమ్ఇండియా ఘనత సాధించింది. 2002లో శ్రీలంకలో జరిగిన ఛాంపియన్స్ ట్రోఫీ టోర్నీ ఫైనల్లో వర్షం కారణంగా లంక, భారత్లను ఆ ఏడాది సంయుక్త విజేతలుగా ప్రకటించారు.
