Team India Squad T20 World Cup 2024: 2024 టీ20 వరల్డ్కప్నకు భారత జట్టు ఇంకా ఖరారు కాలేదని టీమ్ఇండియా కెప్టెన్ రోహిత్ శర్మ అన్నాడు. అయితే మినీకప్ టోర్నమెంట్లో ఆడే 8-10 ప్లేయర్లెవరో తనకు తెలుసు అని పేర్కొన్నాడు. ఒక జట్టుకు కెప్టెన్గా వ్యవహరిస్తున్నప్పుడు ఆటగాళ్లందరినీ సంతృప్తి పరచడం కష్టమేనని రోహిత్ అన్నాడు.
'వన్డే వరల్డ్కప్లాగే టీ20 ప్రపంచకప్నకు కూడా జట్టు ఎంపికపై కసరత్తు చేస్తున్నాం. ఈ క్రమంలో అనేక మంది ప్లేయర్లను పరిశీలనలోకి తీసుకుంటున్నాం. కానీ, అందులో అత్యుత్తమ ఆటగాళ్లు మాత్రమే జట్టులో చోటు దక్కించుకుంటారు. కొందరికి నిరాశ తప్పదు. టోర్నీలో ఆడే 8 నుంచి 10మంది ప్లేయర్లు మా దృష్టిలో ఉన్నారు. వెస్టిండీస్లో పిచ్లు పొడిగా ఉంటాయి. అందుకు తగ్గట్లు ప్రదర్శన చేసేవారే జట్టులో ఉంటారు. ఈ విషయాన్ని రాహుల్ భాయ్ (ద్రవిడ్)తో చర్చించా. ఏదేమైనా మా దృష్టి జట్టు అవసరాలపైనే ఉంటుంది' అని రోహిత్ అన్నాడు.
ఐపీఎల్ కీలకం: పొట్టి ప్రపంచకప్నకు ముందు భారత్కు ఎలాంటి టీ20 మ్యాచ్లు/సిరీస్లు లేవు. జనవరి 25 నుంచి మార్చి 11 వరకు టీమ్ఇండియా ఇంగ్లాండ్తో టెస్టు సిరీస్ ఆడనుంది. ఆ తర్వాత ఐపీఎల్ జరగనుంది. ఈ క్రమంలో పొట్టి ప్రపంచకప్లో టీమ్ఇండియా తరఫున ఆడాలనుకునే యంగ్ ప్లేయర్లకు రానున్న ఐపీఎల్ అత్యంత కీలకం కానుంది. ఈ టోర్నమెంట్లో రాణించిన ప్లేయర్లకు (ముఖ్యంగా బౌలర్లకు) టీమ్ఇండియా పిలుపు అందే ఛాన్స్ ఉంది.
టీ20 వరల్డ్కప్లో కెప్టెన్గా రోహిత్! టీమ్ఇండియా రెగ్యులర్ కెప్టెన్ రోహిత్ శర్మ దాదాపు 14 నెలల తర్వాత అఫ్గానిస్థాన్ సిరీస్తో టీ20ల్లోకి రీ ఎంట్రీ ఇచ్చాడు. అయితే రోహిత్ టీ20లకు దూరంగా ఉండడం వల్ల మేనేజ్మెంట్ ఆల్రౌండర్ హార్దిక్ పాండ్యను కెప్టెన్గా నియమించింది. దాదాపు ఏడాది కాలంగా హార్దిక్ టీ20 సారథ్య బాధ్యతలు నిర్వర్తిస్తున్నాడు. అయితే వన్డే వరల్డ్కప్లో గాయపడిన హార్దిక్ కొలుకోవడానికి సమయం పట్టేలా ఉంది. ఒకవేళ అతడు టీ20 ప్రపంచకప్ నాటికి కోలుకున్నా జట్టు పగ్గాలు రోహిత్కు అప్పజెప్పేందుకే బీసీసీఐ ఆసక్తి చూపుతోందట!
-
CSK poster for captain Rohit Sharma.
— Vishal. (@SPORTYVISHAL) January 18, 2024 " class="align-text-top noRightClick twitterSection" data="
Hitman is everyone's favourite 🫡!! pic.twitter.com/tDNTlosbWB
">CSK poster for captain Rohit Sharma.
— Vishal. (@SPORTYVISHAL) January 18, 2024
Hitman is everyone's favourite 🫡!! pic.twitter.com/tDNTlosbWBCSK poster for captain Rohit Sharma.
— Vishal. (@SPORTYVISHAL) January 18, 2024
Hitman is everyone's favourite 🫡!! pic.twitter.com/tDNTlosbWB
రోహిత్ 2.0 - ఇలానే విజృంభిస్తే T20 వరల్డ్కప్ మనదే!
విరాట్ 'సూపర్ మ్యాన్ ఫీట్'- 5 పరుగులు సేఫ్- మ్యాచ్ టర్నింగ్ పాయింట్ ఇదే!
