టీమ్ఇండియా అభిమానులకు నిరాశ ఎదురైంది. టీ20 ప్రపంచకప్లో (T20 worldcup 2021) భాగంగా పాకిస్థాన్తో జరిగిన మ్యాచ్లో భారత జట్టు పది వికెట్ల తేడాతో ఘోరంగా ఓడిపోయింది. ప్రపంచకప్ చరిత్రలో పాకిస్థాన్పై భారత్ (IND Vs PAK) ఓడిపోవడం ఇదే తొలి సారి. టీమ్ఇండియా నిర్దేశించిన 152 పరుగుల లక్ష్యాన్ని కెప్టెన్ బాబర్ అజామ్(68), మహ్మద్ రిజ్వాన్(79) వికెట్ కోల్పోకుండా ఛేదించారు.
కెప్టెన్ విరాట్ కోహ్లీ రాణించినా..
టాస్ ఓడి బ్యాటింగ్కు దిగిన టీమ్ఇండియాకు శుభారంభం దక్కలేదు. తొలి ఓవర్‌లోనే ఓపెనర్ రోహిత్ శర్మ (0) డకౌట్‌గా వెనుదిరిగాడు. స్వల్ప వ్యవధిలోనే కేఎల్ రాహుల్ (3)కూడా పెవిలియన్‌కు చేరాడు. అయితే కెప్టెన్ విరాట్ కోహ్లీ (57) అర్ధశతకం.. రిషభ్‌ పంత్ (39) రాణించడం వల్ల టీమ్ఇండియా ఓ మోస్తరు స్కోరును చేయగలిగింది. మిగతా బ్యాటర్లలో సూర్యకుమార్‌ యాదవ్‌ 11, రవీంద్ర జడేజా, హార్దిక్ పాండ్య 11 పరుగులు చేశారు. పాకిస్థాన్ బౌలర్లలో షాహీన్ 3, హసన్‌ అలీ 2, షాదాబ్‌ ఖాన్‌ ఒక వికెట్ తీశారు.
కోహ్లీ రికార్డు
కాగా.. ఈ మ్యాచ్లో హాఫ్ సెంచరీ చేసిన టీమ్ఇండియా కెప్టెన్ కోహ్లీ(57).. ప్రపంచకప్ చరిత్రలో పది అర్ధ శతకాలు బాదిన తొలి ప్లేయర్గా నిలిచాడు.
ఇదీ చూడండి: T20 worldcup: తడబడిన టీమ్ఇండియా.. పాకిస్థాన్ లక్ష్యం 152
