ICC T20 World Cup 2022: ఇండియా-పాకిస్థాన్ మ్యాచ్.. ఇది ఒక ఎమోషన్. ఈ మ్యాచ్ ఎప్పుడు జరిగినా టీవీలకు అతుక్కుపోవడం భారత క్రికెట్ అభిమానుల వంతు అవుతుంది. అయితే త్వరలోనే టీ20 ప్రపంచకప్లో భాగంగా దాయాదుల మధ్య మ్యాచ్ జరగనుంది. ఈ నెల 23న భారత్ పాకిస్థాన్ తలపడనున్నాయి. ఈ మ్యాచ్ ఆస్ట్రేలియాలోని మెల్బోర్న్లో స్టేడియంలో జరగనుంది. ఇప్పటికే ఈ మ్యాచ్కు సంబంధించి టికెట్లు అన్నీ అమ్మడైపోయాయి. దాదాపు 90 వేల మంది ప్రేక్షకులు ఈ మ్యాచ్కు రానున్నారు. తాజాగా ఈ మ్యాచ్‌కి సంబంధించిన ప్రోమోను విడుదల చేసింది స్టార్ స్పోర్ట్స్ నెట్‌వర్క్. ఈ ప్రచార చిత్రం ఆద్యంతం ఆకట్టుకుంటోంది. ఇందులో ఓ చిన్నోడు.. 'నేను శర్మాజీ కొడుకు. ఇది దర్ద్‌నాపూర్. ఇక్కడ ఎవ్వరూ దేనికి భయపడరు, బాధపడరు. మేం టీమ్ఇండియా విజయాన్ని గర్వంగా సెలబ్రేట్ చేసుకుంటాం. బలంతో పండగ చేసుకుంటాం. అయితే ఒక్క సంఘటనతో అంతా మారిపోయింది. ఆ రోజు... అందరూ ఏడ్చేశారు. అందుకే రిక్వెస్ట్ చేస్తున్నా.. ఈసారి గెలిచి.. ఇంతకముందు ఓటమిని మరచిపోయేలా చేయండి. ఇన్ని రోజుల ఎదురుచూపులకు ముగింపు చెప్పెండి' అంటూ టీమ్ఇండియాకు సూచిస్తూ ఆ ప్రోమోలో కనపడ్డాడు.
కాగా, గతేడాది జరిగిన టీ20 వరల్డ్ కప్లో పాకిస్థాన్ చేతుల్లో 10 వికెట్ల తేడాతో ఓడిపోయింది టీమ్ఇండియా. అంతకుముందు ఎప్పుడూ ఐసీసీ వరల్డ్ కప్ చరిత్రలో భారత జట్టుపై గెలవని పాక్, అన్నింటికీ కలిపి ఒకేసారి ప్రతీకారం తీర్చుకుంది. అయితే ఇప్పుడు దానికి రివెెంజ్ తీర్చుకునే ఛాన్స్ టీమ్ఇండియాకు వచ్చింది.
ఇక ఈ సంవత్సరం ఇప్పటికే ఆసియాకప్లో ఇండియా, పాకిస్థాన్ జట్లు రెండు సార్లు తలపడ్డాయి. ఇరు జట్లు చెరో మ్యాచ్ గెలిచాయి. ఇప్పుడు మూడో సారి ప్రపంచకప్లో భాగంగా తొలి మ్యాచ్లో ఆడనున్నాయి. మరి ఇందులో ఎవరు గెలుస్తారో చూడాలి.
-
📢 #TeamIndia fans, it's time to assemble & end the wait! 🤩#GreatestRivalry resumes on 23rd Oct 1:30PM#BelieveInBlue | ICC Men's #T20WorldCup 2022 | #INDvPAK pic.twitter.com/mMgt6dApYY
— Star Sports (@StarSportsIndia) October 2, 2022 " class="align-text-top noRightClick twitterSection" data="
">📢 #TeamIndia fans, it's time to assemble & end the wait! 🤩#GreatestRivalry resumes on 23rd Oct 1:30PM#BelieveInBlue | ICC Men's #T20WorldCup 2022 | #INDvPAK pic.twitter.com/mMgt6dApYY
— Star Sports (@StarSportsIndia) October 2, 2022📢 #TeamIndia fans, it's time to assemble & end the wait! 🤩#GreatestRivalry resumes on 23rd Oct 1:30PM#BelieveInBlue | ICC Men's #T20WorldCup 2022 | #INDvPAK pic.twitter.com/mMgt6dApYY
— Star Sports (@StarSportsIndia) October 2, 2022
ఇవీ చదవండి: సాయిపల్లవి మేనత్త స్టార్ డైరెక్టర్కు తల్లి అని తెలుసా!?
