world test championship points table 2021: తాజాగా ఐసీసీ ప్రకటించిన ప్రపంచ టెస్టు ఛాంపియన్షిప్ పాయింట్ల పట్టికలో ప్రస్తుతం టాపర్గా నిలిచింది శ్రీలంక. టీమ్ఇండియా రెండో ర్యాంకులో ఉంది. భారత్కు ఎక్కువ పాయింట్లు ఉన్నప్పటికీ విజయాల శాతం ఆధారంగా ప్రస్తుతానికి శ్రీలంకకే అగ్రస్థానం దక్కింది. తాజాగా వెస్టిండీస్తో జరిగిన తొలి టెస్ట్ మ్యాచ్లో 187పరుగుల తేడాతో విజయం సాధించింది లంక జట్టు. ఈ ఫలితంతోనే పాయింట్ల పట్టికలో ముందంజలో నిలిచింది.
ప్రస్తుతం శ్రీలంక(12 పాయింట్ల, గెలుపు శాతం 100), టీమ్ఇండియా(26, 54.17%), పాకిస్థాన్(12, 50%), వెస్టిండీస్(12, 33.33%), ఇంగ్లాండ్(14, 29.17%) తొలి ఐదు స్థానాల్లో ఉన్నాయి.
శ్రీలంక-విండీస్ మ్యాచ్ సాగిందిలా..
348 పరుగుల లక్ష్యంతో రెండో ఇన్నింగ్స్ ఆడిన వెస్టిండీస్ 160 పరుగులకే కుప్పకూలింది(sri lanka west indies live score match). విండీస్ ప్లేయర్స్లో కుమ్రా బానర్(68), జాష్వా డిసిల్వా (54) తప్ప మిగతా వారు విఫలమయ్యారు. లంక బౌలర్లలో రమేశ్ మెండిస్ 5, లసిత్ ఎంబుల్డేనియా 4, ప్రవీన్ జయవిక్రమ ఓ వికెట్ను దక్కించుకున్నారు. తొలి ఇన్నింగ్స్లో 147, రెండో ఇన్నింగ్స్లో 83 పరుగులతో అదరగొట్టిన లంక కెప్టెన్ కరణరత్నేకు ప్లేయర్ ఆఫ్ ది మ్యాచ్ అవార్డు దక్కింది. కాగా, టీమ్ఇండియా ప్రస్తుతం కాన్పూర్ వేదికగా న్యూజిలాండ్తో తొలి టెస్టు ఆడుతోంది.
ఇదీ చూడండి: ధోనీ అభిమానులకు గుడ్న్యూస్.. మరో మూడేళ్లు సీఎస్కేతోనే!
