టీమ్ఇండియా ప్రధాన కోచ్ రవిశాస్త్రి (ravi shastri) సహా.. సహాయ సిబ్బంది భరత్ అరుణ్, ఆర్. శ్రీధర్.. బుధవారం భారత్ చేరుకునే అవకాశం ఉంది. అయితే వారు నిష్క్రమణ తేదీకి (సెప్టెంబర్ 15) ముందే రెండు నెగిటివ్ ఆర్టీ-పీసీఆర్ రిపోర్ట్లు సమర్పించాల్సి ఉంటుంది.
ప్రస్తుతం ముగ్గురి ఆరోగ్య పరిస్థితి మెరుగ్గా ఉందని, ఎవరికీ ఎలాంటి లక్షణాలు లేవని ఓ బీసీసీఐ అధికారి తెలిపారు. వారికి సోమవారం ఆర్టీ-పీసీఆర్ పరీక్షలు నిర్వహించనున్నట్లు వెల్లడించారు. సెప్టెంబర్ 8న పాజిటివ్గా తేలిన జూనియర్ ఫిజియో యోగేశ్ పర్మార్ మాత్రం మరికొన్ని రోజులు ఐసోలేషన్లోనే ఉండనున్నాడు.
ఇంగ్లాండ్తో నాలుగో టెస్టుకు ముందు శాస్త్రి కరోనా బారినపడగా (ravi shastri covid) , సెప్టెంబర్ 4 నుంచి ఐసోలేషన్లో ఉన్నారు. ఆయన 10 రోజుల క్వారంటైన్ సోమవారంతో పూర్తవుతుంది. ఈ ముగ్గురూ యూకే నుంచి భారత్ వెళ్లాక, ఐపీఎల్ అనంతరం దుబాయ్లో జరగనున్న టీ20 ప్రపంచకప్ కోసం టీమ్ఇండియాతో కలుస్తారు.
ఇదీ చూడండి: IND Vs ENG: ఐదో టెస్టు రద్దుపై రవిశాస్త్రి స్పందన
