Rohit Sharma: అశ్విన్ను 'ఆల్టైం గ్రేట్'గా వర్ణిస్తూ టీమ్ఇండియా కెప్టెన్ రోహిత్ శర్మ నోరు జారాడని అన్నాడు పాకిస్థాన్ మాజీ క్రికెటర్ రషీద్ లతీఫ్. అశ్విన్ ఆ ఘనత దక్కించుకునేందుకు ఇంకా సమయం పడుతుందని చెప్పాడు.
"అశ్విన్ గొప్ప బౌలర్ అనడంలో సందేహం లేదు. అతడు తన బౌలింగ్లో వేరియేషన్స్ తీసుకొచ్చాడు. భారత్లో అతడు అత్యుత్తమ స్పిన్నర్. అయితే విదేశాల్లో మాత్రం.. రోహిత్ ప్రకటనతో నేను అంగీకరించను. కానీ, కుంబ్లే, జడేజా, గతంలో బిషన్ సింగ్ బేడీ మాత్రం విదేశీ గడ్డపై అదరగొట్టారు. రోహిత్ మాట జారి ఉంటాడు. ఆటగాళ్లలో స్ఫూర్తి నింపడానికి అది ఒక పద్ధతి."
-రషీద్ లతీఫ్, పాకిస్థాన్ మాజీ క్రికెటర్
ఇటీవల శ్రీలంకతో జరిగిన తొలి టెస్టులో భారత్ 222 పరుగుల భారీ తేడాతో ఘన విజయం సాధించింది. ఈ మ్యాచ్‌లో అశ్విన్ 6 వికెట్లు పడగొట్టి జట్టు విజయంలో తనవంతు పాత్ర పోషించాడు. ఈ క్రమంలోనే అతడు టీమ్ఇండియా తరఫున టెస్టుల్లో అత్యధిక వికెట్లు తీసిన జాబితాలో మాజీ సారథి కపిల్‌దేవ్‌ (434) రికార్డును అధిగమించాడు. అనిల్‌కుంబ్లే (619) వికెట్లతో అందరికన్నా ముందుండగా అశ్విన్ (436) ఇప్పుడు రెండో స్థానాన్ని కైవసం చేసుకున్నాడు. ఈ నేపథ్యంలోనే తొలి టెస్టు అనంతరం రోహిత్ మాట్లాడుతూ అశ్విన్ను పొగడ్తలతో ముంచెత్తాడు.
ఇదీ చూడండి: Test Rankings 2022: టెస్ట్ ర్యాంకింగ్స్లో అతడే నెం. 1
