rcb retain kohli: రాయల్ ఛాలెంజర్స్ బెంగళూరు.. 2022 ఐపీఎల్ మెగావేలానికి ముందు మాజీ సారథి కోహ్లీ, గ్లెన్ మాక్స్వెల్ను(ఆస్ట్రేలియా ఆల్రౌండర్) రిటైన్ చేసుకోనుందని తెలుస్తోంది. ప్రస్తుతం ఉన్న ఎనిమిది జట్లకు తాము రిటైన్ చేసుకునే ఆటగాళ్ల జాబితాను ప్రకటించేందుకు నవంబరు 30 వరకు సమయం ఉంది. ఈ టీమ్స్ గరిష్ఠంగా నలుగురు ప్లేయర్స్ అట్టిపెట్టుకునే అవకాశం ఉంది. వీరిలో ఇద్దరు విదేశీ ఆటగాళ్లు ఉండొచ్చు.
కొత్త జట్లు లక్నో, అహ్మదాబాద్.. రిటెన్షన్లు ముగిసిన తర్వాత వేలానికి ముందు తమ కొత్త ఆటగాళ్లను ఎంచుకుంటారు. ఈ టీమ్స్కు ముగ్గురు ప్లేయర్స్ను తీసుకునే అవకాశం ఉంది. వారిలో ఇద్దరు స్వదేశీ, ఒకరు విదేశీ ఆటగాడు ఉంటాడు.
మిగతా జట్లు ఎవరెవరిని రిటైన్ చేసుకోనున్నారంటే?
సీఎస్కే: ధోనీ, జడేజా, మొయిన్ అలీ, రుతురాజ్ గైక్వాడ్
కేకేఆర్: సునీల్ నరైన్, రసెల్, గిల్ లేదా వెంకటేశ్ అయ్యర్, వరుణ్ చక్రవర్తి
ఆర్సీబీ: కోహ్లీ, గ్లెన్ మ్యాక్స్వెల్, చాహల్
దిల్లీ క్యాపిటల్స్: పంత్, పృథ్వీ షా, నోర్జే, అవేశ్ ఖాన్ లేదా అక్షర్ పటేల్
రాజస్థాన్ రాయల్స్: బెన్ స్టోక్స్, సంజూ శాంసన్, జాస్ బట్లర్
సన్రైజర్స్ హైదరాబాద్: రషీద్ ఖాన్, జానీ బెయిర్ స్టో లేదా కేన్ విలియమ్స్న్
ముంబయి ఇండియన్స్: రోహిత్ శర్మ, ఇషాన్ కిషన్, బుమ్రా, కీరన్ పొలార్డ్
పంజాబ్ కింగ్స్: కేఎల్ రాహుల్, మయాంక్ అగర్వాల్, రవి బిష్ణోయ్
రిటైన్ ప్లేయర్స్ ధర ఎంతంటే?
ప్రతి జట్టు పర్సులో రూ.90కోట్లు ఉంటాయి. ఒక్కో జట్టు నలుగురు ప్లేయర్స్ను రిటైన్ చేసుకోవాలంటే రూ.42 కోట్లు ఖర్చు చేయాల్సి ఉంటుంది. అదే ముగ్గురైతే రు.33 కోట్లు , ఇద్దరికి రూ.22 కోట్లు, ఒక్కరికి రూ.14కోట్లు వెచ్చించాలి.
ఇదీ చూడండి: ట్రోలర్స్కు దీటుగా సమాధానమిచ్చిన పాక్ సారథి
