Ravichandran Ashwin: భారత దిగ్గజ ఆటగాడు కపిల్దేవ్ రికార్డును అందుకోవడంపై స్పిన్నర్ రవిచంద్రన్ అశ్విన్ స్పందిచాడు. తాను ఎప్పుడు ఈ రికార్డును చేరుకుంటానని అనుకోలేదన్నాడు. భారత్ తరఫున అత్యధిక వికెట్లు తీసిన రెండో బౌలర్గా అశ్విన్ రికార్డు సృష్టించాడు.
"28 ఏళ్ల క్రితం కపిల్దేవ్ ఈ రికార్డును సాధించాలని కోరుకున్నాను. నేనేప్పుడూ ఆఫ్ స్పిన్నర్ని అవుతానని, నా దేశం కోసం ఆడతానని అనుకోలేదు. ఇలాంటి గొప్ప వ్యక్తుల రికార్డులను దాటుతానని ఊహించలేదు. ఇప్పటి వరకు సాధించిన దాని పట్ల చాలా సంతోషంగా ఉన్నాను."
-రవిచంద్రన్ అశ్విన్
ఆదివారం శ్రీలంకతో తొలి టెస్టు సందర్భంగా 435 వికెట్లతో సుదీర్ఘ ఫార్మాట్లో భారత తరపున రెండో అత్యధిక వికెట్ల వీరుడిగా నిలిచాడు. ఈ క్రమంలోనే కపిల్ను (131 మ్యాచ్ల్లో 434 వికెట్లు) అధిగమించాడు. తన 85వ మ్యాచ్లోనే అశ్విన్ ఈ ఘనత దక్కించుకున్నాడు. ఈ జాబితాలో 132 మ్యాచ్ల్లో 619 వికెట్లతో స్పిన్ దిగ్గజం అనిల్ కుంబ్లే అగ్రస్థానంలో ఉన్నాడు.
శ్రీలంకతో జరిగిన తొలి టెస్ట్లో భారత్ ఇన్నింగ్స్ 222 పరుగుల తేడాతో ఘన విజయం సాధించింది. తొలి ఇన్నింగ్స్‌లో భారత్ 578/8 పరుగులకు డిక్లేర్‌ చేసింది. రవీంద్ర జడేజా (175*) దంచికొట్టాడు. మొదటి ఇన్నింగ్స్‌లో శ్రీలంక 174 పరుగులకే కుప్పకూలడంతో ఫాలోఆన్‌ ఆడింది. రెండో ఇన్నింగ్స్‌లోనూ లంకేయులు 178 పరుగులకే చేతులెత్తేశారు.
ఇదీ చదవండి: Rohit Sharma: 'కోహ్లీ కోసం గెలవాలనుకున్నాం'
