టీమ్ఇండియా స్పిన్నర్ రవిచంద్రన్ అశ్విన్పై వివాదాస్పద వ్యాఖ్యలు చేశాడు పాకిస్థాన్ మాజీ బౌలర్ సయీద్ అజ్మల్. అంతర్జాతీయ క్రికెట్ కౌన్సిల్పై కూడా విమర్శలు కురిపించాడీ పాక్ క్రికెటర్.
అశ్విన్ బౌలింగ్ యాక్షన్ కారణంగా అతనిపై ఐసీసీ నిషేధం విధించాల్సి ఉందని పేర్కొన్నాడు. అందుకే అతన్ని కొంతకాలం క్రికెట్ నుంచి ఉద్దేశపూర్వకంగా తప్పించారని అజ్మల్ ఆరోపించాడు. ఐసీసీ వేర్వేరు క్రికెటర్లకు విభిన్న నిబంధనలు అమలు చేస్తుందని తెలిపాడు.
"ఐసీసీ.. ఎవరిని అడిగి నిబంధనలు మారుస్తుంది. నేను గత 8 ఏళ్లుగా క్రికెట్ ఆడుతున్నా. ఇవన్నీ నా కోసమేనా. నాకైతే అలానే అనిపిస్తుంది. నిషేధం విధించిన ఆ ఆరు నెలలు అశ్విన్ను ఉద్దేశపూర్వకంగా క్రికెట్కు దూరంగా ఉంచారు. ఎందుకలా చేశారు? మీ బౌలర్ను సస్పెండ్ కాకుండా ఉండటానికి. ఒక పాకిస్థాన్ బౌలర్పై నిషేధం విధిస్తే వారికేంటి. వారికి కావాల్సింది డబ్బులు మాత్రమే."
-సయీద్ అజ్మల్, పాకిస్థాన్ క్రికెటర్.
ఇదీ చదవండి: పీఎస్ఎల్ మ్యాచ్లపై ఏపీలో బెట్టింగ్.. నలుగురి అరెస్ట్
అజ్మల్ బౌలింగ్ శైలి కారణంగా ఐసీసీ అతడిని పలుమార్లు క్రికెట్ నుంచి నిషేధించింది. తనతో పాటు అశ్విన్ శైలి కూడా భిన్నంగా ఉంటుందని అజ్మల్ ఆరోపిస్తున్నాడు. అతడిపై కూడా నిషేధం విధించాలని అతడు ఈ తరహా ఆరోపణలు చేస్తున్నాడు.
2010లో క్రికెట్ అరంగేట్రం చేసిన అశ్విన్.. ప్రస్తుతం టీమ్ఇండియాలో కీలక ఆటగాడిగా ఉన్నాడు. అన్ని ఫార్మాట్లలో కలిపి 600 వికెట్ల క్లబ్లో చేరాడు. టెస్టుల్లో 409 వికెట్లు పడగొట్టాడు. బంతితో పాటు బ్యాట్తోనూ రాణిస్తూ లోయర్ ఆర్డర్లో ఉపయుక్తమైన బ్యాట్స్మన్గా ఉన్నాడు.
ఇదీ చదవండి: ఆ టీషర్ట్ వేసుకున్నందుకు రైనాకు ద్రవిడ్ మందలింపు!
