ODI World Cup 2023 IND VS AFG : వన్డే వరల్డ్ కప్ 2023లో టీమ్ ఇండియా వరుసగా రెండో మ్యాచ్లో విజయం సాధించింది. తొలి మ్యాచ్లో ఆసీస్పై గెలుపొందిన భారత ఆటగాళ్లు.. తాజాగా అప్గానిస్థాన్తో జరిగిన మ్యాచ్లో విజయాన్ని అందుకున్నారు. 273 పరుగుల లక్ష్యంతో బరిలోకి దిగిన భారత జట్టు... 35 ఓవర్లలోనే 2 వికెట్లు కోల్పోయి లక్ష్యాన్ని ఛేదించింది. 8 వికెట్లు తేడాతో విజయం సాధించింది.
కెప్టెన్ రోహిత్ శర్మ( 84 బంతుల్లో 131; 16x4, 5x6) 'శత'క్కొట్టడంతో సచిన్ రికార్డ్ కూడా బ్రేక్ అయింది. అలాగే అతడు 63 బంతుల్లోనే ఈ సెంచరీ మార్క్‌ను అందుకుని వరల్డ్ కప్లో వేగవంతమైన సెంచరీ చేసిన భారత ప్లేయర్గా రికార్డు క్రియేట్ చేశాడు. ఇషాన్ కిషన్(47 బంతుల్లో 47; 5x4, 2x6) హాఫ్ సెంచరీకి చేరువగా వచ్చి ఔట్ అయ్యాడు. ఆ తర్వాత క్రీజులోకి వచ్చిన కోహ్లీ(55*; 56 బంతుల్లో 6 ఫోర్లు), శ్రేయస్ అయ్యర్(25) కూడా స్కోర్ బోర్డును పరుగెత్తించారు. అప్గాన్ బౌలర్లలో రషీద్ ఖాన్ వికెట్లు తీశాడు.
అంతకుముందు బ్యాటింగ్ చేసిన అప్గానిస్తాన్ నిర్ణీత 50 ఓవర్లో 8 వికెట్ల నష్టానికి 272 పరుగులు చేసింది. రెహ్మనుల్లా గుర్బాజ్‌ (21), ఇబ్రహీం జాద్రాన్‌ (22), రహమత్ షా (16) తక్కువ స్కోరుకే పెవిలియన్ చేరినా.. కెప్టెన్ హష్మతుల్లా షాహిది (80; 88 బంతుల్లో 8 ఫోర్లు, 1 సిక్స్‌), మిడిల్ ఆర్డర్ బ్యాటర్ అజ్మతుల్లా ఒమర్జాయ్‌ (62; 69 బంతుల్లో 2 ఫోర్లు, 4 సిక్స్‌లు) కీలక ఇన్నింగ్స్ ఆడి స్కోరు బోర్డును పరుగెత్తించారు. వీరిద్దరు కలిసి నాలుగో వికెట్‌కు 121 పరుగుల భాగస్వామ్యాన్ని నమోదు చేశారు. మహ్మద్‌ నబీ (19), రషీద్‌ఖాన్‌ (16), ముజీబుర్‌ రెహ్మన్‌ (10*), నవీనుల్ హక్‌ (9*) పరుగులు చేశారు. భారత బౌలర్లలో బుమ్రా 4 వికెట్లు పడగొట్టగా.. హార్దిక్ పాండ్య 2, శార్దూల్ ఠాకూర్, కుల్దీప్ యాదవ్ తలో వికెట్ దక్కించుకున్నారు.
ICC Latest ODI Rankings Kohli : అదరగొట్టిన కోహ్లీ - కేెఎల్ రాహుల్.. ఏకంగా..
Hardik Pandya Birthday : పాండ్య దిగితే పూనకాలే.. పాక్పై ఆ ఇన్నింగ్స్ ఎప్పటికీ స్పెషల్!
