Medal In Cricket: క్రికెట్లో సాధారణంగా 'ప్లేయర్ ఆఫ్ ది మ్యాచ్', 'ప్లేయర్ ఆఫ్ ది సిరీస్' అవార్డులు ఉంటాయి. అయితే క్రికెట్లో కొత్త పద్ధతికి బీసీసీఐ శ్రీకారం చుట్టింది. ఈ నేపథ్యంలో తొలిసారి డొమెస్టిక్ క్రికెట్లో మెడల్ (పతకం)ను ప్రవేశపెట్టింది. జనవరి 5నుంచి 2024 ఎడిషన్ రంజీ ట్రోఫీ ప్రారంభమైంది. ఈ టోర్నమెంట్లో ఇప్పటి నుంచి ప్రతీ గేమ్లో 'ప్లేయర్ ఆఫ్ ది మ్యాచ్' అందుకున్న ఆటగాడికి మెమొంటో, ప్రైజ్ మనీతో పాటుగా అదనంగా ఈ మెడల్ను ఇవ్వనున్నారు.
'ఇతర క్రీడల్లో అథ్లెట్లకు మెడల్స్ బహుకరిస్తారు. వారి విజయాలకు చిహ్నంగా పతకాలను చూపిస్తూ సంతోషిస్తారు. అలాగే డొమెస్టిక్ క్రికెట్లో మన ప్లేయర్లకు కూడా పతకాలు ఇవ్వాలని నిర్ణయించాం. నగదు బహుమతితోపాటే ఈ మెడల్ అందిస్తాం. దీంతో తమ ఇంటికి తీసుకెళ్లడానికి పతకం ఓ గుర్తుగా ఉంటుంది' అని బీసీసీఐ అధికారి ఒకరు చెప్పారు. కాగా ఇప్పటివరకు రంజీ ట్రోఫీలో ప్లేయర్ ఆఫ్ ది మ్యాచ్ ప్రైజ్మనీ రూ.25 వేలుగా ఉంది.
Ranji Trophy Participation: బీసీసీఐ డొమెస్టిక్ టోర్నీలకు ప్రాధాన్యం ఇచ్చే విధంగా క్రికెట్లో మార్పులు తీసుకురానుంది. అంతర్జాతీయ మ్యాచ్లు లేని సమయంలో టీమ్ఇండియా ఆటగాళ్లు రంజీ ట్రోఫీలో తమ సొంత రాష్ట్రాలకు ప్రాతినిధ్యం వహించడం తప్పనిసరి చేసే ఆలోచనలో ఉన్నట్లు తెలుస్తోంది. ఈ మేరకు బీసీసీఐ అధికారి ఒకరు ఇటీవల ఈటీవీ భారత్తో తెలిపారు.
'టీమ్ఇండియా ప్లేయర్లు ఇంటర్నేషనల్ సిరీస్లు, మ్యాచ్లు లేని సమయంలో అవకాశం ఉన్నప్పుడల్లా ఆయా ఆటాగళ్లు తమ తమ రాష్ట్రాల తరఫున రంజీలో ఆడాల్సి ఉంటుంది. ఏ ప్లేయరైన సరైన కారణం లేకుండా రాష్ట్ర జట్టుకు ఆడకపోతే, జాతీయ జట్టు ఎంపికలో వారిని పరిగణలోకి తీసుకోం. ఫ్యూచర్లో ఒక ప్లేయర్ డొమెస్టిక్ లీగ్ల పెర్ఫార్మెన్స్ను దృష్టిలో ఉంచుకొనే టీమ్ఇండియాకు సెలెక్ట్ చేస్తాం. అప్పట్లో దిగ్గజ ఆటగాళ్లు సచిన్ తెందూల్కర్, సౌరభ్ గంగూలీ సైతం అంతర్జాతీయ మ్యాచ్ల నుంచి రెస్ట్ ఉన్నప్పుడు రంజీ టోర్నీల్లో ఆడేవారు. మరి ఇప్పటి తరం ప్లేయర్లు ఎందుకు ఆడారు? అందుకే రంజీ ట్రోఫీలో కచ్చితంగా ఆడాల్సిందేనని చెబుతున్నాం' అని సెలెక్షన్ కమిటీ మెంబర్ చెప్పారు.
నెట్స్లో సూర్య ప్రాక్టీస్ గాయం నుంచి స్పీడ్ రికవరీ
ప్లేయర్లంతా రంజీ ట్రోఫీలో ఆడాల్సిందే- లేదంటే టీమ్ఇండియాలో నో ఛాన్స్!
