Jadeja Rohit Sharma At NCA: టీమ్ఇండియా టీ20, వన్డే జట్టు సారథి రోహిత్ శర్మ, ఆల్రౌండర్ రవీంద్ర జడేజా గాయాల కారణంగా భారత జట్టు దక్షిణాఫ్రికా పర్యటనకు దూరమయ్యారు. ఈ నేపథ్యంలో తిరిగి ఫిట్నెస్ పొందేందుకు బెంగళూరులోని నేషనల్ క్రికెట్ అకాడమీకి చేరుకున్నారు.
అండర్-19 కెప్టెన్ యశ్ దుల్తో కలిసి సీనియర్ క్రికెటర్లు రోహిత్, జడ్డూ ఎన్సీఏలో ఉన్న ఫొటోలు సామాజిక మాధ్యమాల్లో వైరల్ అవుతున్నాయి. డిసెంబర్ 23 నుంచి ఆసియాకప్ ప్రారంభంకానున్న నేపథ్యంలో టీమ్ఇండియా అండర్-19 జట్టు ఎన్సీఏకు చేరుకుని ప్రాక్టీస్ షురూ చేసింది.
అయితే.. దక్షిణాఫ్రికాతో టెస్టు సిరీస్కు గాయం కారణంగా దూరమైన రోహిత్ స్థానంలో ఇండియా ఏ జట్టు కెప్టెన్ ప్రియాంక్ పంచాల్ను ఎంపిక చేసింది బీసీసీఐ.
వన్డే సిరీస్కు..
IND vs SA 2021: టీమ్ఇండియా, దక్షిణాఫ్రికా వన్డే సిరీస్కు రోహిత్ హాజరయ్యే అవకాశాలు ఉన్నాయి. రోహిత్ కోలుకోవడానికి నాలుగు వారాలు పట్టొచ్చని వైద్య బృందం పేర్కొంది.
మరోవైపు, న్యూజిలాండ్తో సిరీస్లో గాయపడిన జడేజా కోలుకోవడానికి కాస్త ఎక్కువ సమయమే పట్టొచ్చని సమాచారం.
ఇదీ చూడండి: కోహ్లీపై వార్నర్ కంప్లైంట్.. ఏమన్నాడంటే?
