Nitish Rana KKR : కోల్కతా నైట్ రైడర్స్ కెప్టెన్ నితీశ్ రాణాకు బీసీసీఐ గట్టి షాక్ ఇచ్చింది. ఐపీఎల్ సీజన్ 16లో భాగంగా సోమవారం ఈడెన్ గార్డెన్స్ వేదికగా పంజాబ్ కింగ్స్తో జరిగిన మ్యాచ్లో కేకేఆర్ టీమ్ స్లో ఓవర్ రేట్ చూపించింది. దీంతో కేకేఆర్ టీమ్పై బీసీసీఐ టీమ్ ఆగ్రహం వ్యక్తం చేసింది. ఈ క్రమంలో ఆ జట్టు కెప్టెన్కు నితీశ్‌కు జరిమానా విధించింది. స్లో ఓవర్ రేట్.. ఐపీఎల్ కోడ్ ఆఫ్ కండక్ట్ ఉల్లంఘన కిందకు వస్తుందని దీని కారణంగా..జట్టు కెప్టెన్ నితీశ్ రాణాకు రూ. 12లక్షల జరిమానా విధించినట్లు పేర్కొంది.
కాగా ఈ ఐపీఎల్ సీజన్‌లో నితీశ్ రాణా జరిమానాను ఎదుర్కోవడం ఇది రెండోసారి. గత నెల 16న ముంబయి ఇండియన్స్, కోల్కతా నైట్‌రైడర్స్ మధ్య జరిగిన మ్యాచ్‌లోనూ నితీశ్ రాణాకు బీసీసీఐ జరిమానా విధించింది. ఈ మ్యాచ్లో రాణా ఔట్ అయిన తరువాత ముంబయి ఇండియన్స్ బౌలర్ హృతిక్‌తో వాగ్వావాదానికి దిగాడు. దీంతో ఈ ఘటనను సీరియస్‌గా తీసుకున్న బీసీసీఐ.. రాణా మ్యాచ్ ఫీజులో 25శాతం కోత విధిస్తున్నట్లు ప్రకటించింది.
KKR Captain Nitish Rana : ఇక మ్యాచ్ విషయానికి వస్తే.. ప్లే ఆఫ్స్ రేసులో చాలా కీలకంగా సాగిన ఈ మ్యాచ్లో పంజాబ్ కింగ్స్‌ను కేకేఆర్ జట్టు అనూహ్యంగా ఓడించింది. ఒక్క లాస్ట్ బాల్కు లక్ష్యాన్ని తమ ఖాతాలోకి వేసుకుంది. దీంతో కేకేఆర్.. పాయింట్ల పట్టికలో 8వ స్థానం నుంచి ఏకంగా ఐదో స్థానానికి ఎగబాకింది. టాస్ గెలిచిన పంజాబ్.. ముందుగా బ్యాటింగ్ ఎంచుకుంది. అయితే భారీ స్కోర్లు నమోదు చేయాల్సిన ఈ మ్యాచ్లో పంజాబ్ జట్టు అనుకున్నంత స్కోర్ సాధించలేకపోయింది. మరోవైపు ఓపెనర్ ప్రభ్‌సిమ్రాన్, భానుక రాజపక్స స్కోర్ చేయడంలో ఘోరంగా విఫలమయ్యారు.
KKR VS PBKS : అయితే మిగతా బ్యాటర్లతో కలిసి కెప్టెన్ శిఖర్ ధవన్ చివరి వరకు పోరాడాడు. కానీ వారికి ఆశించిన ఫలితం దక్కలేకపోయింది. దీంతో నిర్ణీత 20 ఓవర్లలో పంజాబ్ కింగ్స్ 7 వికెట్ల నష్టానికి 179 పరుగులు చేసింది. అయితే ఈ టార్గెట్‌ను ఛేదించే విషయంలో కేకేఆర్‌కు శుభారంభమేమి దక్కలేదు. తొలుత రహ్మనుల్లా గుర్బాజ్ విఫలమయ్యాడు. అయితే జేసన్ రాయ్తో కలిసి బరిలోకి దిగిన నితీష్ రాణా మైదానంలో చెలరేగిపోయాడు. ఆ తర్వాత దిగిన ఆండ్రీ రస్సెల్, రింకూ సింగ్ ధనాధన్ ఇన్నింగ్స్ ఆడి స్కోర్ బోర్డును పరుగులు పెట్టించారు. అలా చివరి బంతికి బౌండరీ బాదిన రింకూ సింగ్.. మరోసారి కేకేఆర్‌ను విజయ పథంలో నడిపించాడు
