ఇండియన్ ప్రీమియర్ లీగ్ 2023 సీజన్‌లో భాగంగా గుజరాత్ టైటాన్స్‌-రాజస్థాన్ రాయల్స్ మధ్య మ్యాచ్ జరిగిన సంగతి తెలిసిందే. ఈ మ్యాచ్.. గుజరాత్ అహ్మాదాబాద్ వేదికగా నరేంద్ర మోదీ స్టేడియంలో జరిగింది. హోం గ్రౌండ్లో తమ టీమ్ మ్యాచ్ ఆడుతుందంటే.. అక్కడి వచ్చే ప్రేక్షకుల మద్దతు, ప్రోత్సాహం.. సదరు టీమ్కే ఉంటుంది. అయితే ఇక్కడ ఓ గుజరాత్ చిన్నది మాత్రం.. రాజస్థాన్ రాయల్స్కు మద్దతుగా నిలిచింది! ఆ జట్టు ఓపెనర్ జాస్ బట్లర్ మనసును దోచేసింది!
అసలేం జరిగిందంటే.. గుజరాత్-రాజస్థాన్ రాయల్స్ మ్యాచ్‌కు ముందు నెట్‌ ప్రాక్టీస్ సెషన్‌ జరిగింది. ఈ ప్రాక్టీస్ మ్యాచులో ఇరు జట్లు పాల్గొన్నాయి. ఈ క్రమంలోనే బట్లర్ తన ప్రాక్టీస్ను పూర్తి చేసుకుని తిరిగి వెళ్తున్న సమయంలో ఓ యువతి బట్లర్ వద్దకు వచ్చి తన అభిమానాన్ని చాటుకుంది. అతడిని చూసి ఎంతో సంబరపడిపోయింది. అతడంతే ఎంత ఇష్టమో చెప్పుకొచ్చింది. 'నేను మీకు పెద్ద ఫ్యాన్. మీ ఆటంటే నాకు చాలా చాలా ఇష్టం.. ఐ లవ్‌ యూ' అంటూ చెప్పింది. ఆమె మాటలకు ముగ్దుడైన బట్లర్.. ఎంతో సరదాగా ఆ యువతితో ముచ్చటించాడు.
'ఐపీఎల్ను బాగా ఎంజాయ్ చేస్తున్నావా' అని బట్లర్ అడగగా.. "సూపర్గా ఆస్వాదిస్తూన్నా. బాగా ఎంజాయ్ చేస్తున్నా. నాది గుజరాత్ అయినప్పటికీ మీకు విరాభిమానిని. మ్యాచ్లో మీకోసమే రాజస్థాన్ రాయల్స్కు మద్దతు ఇస్తున్నా" అని చెప్పుకొచ్చింది. దీనికి బట్లర్ సమాధానమిస్తూ.. "మ్యాచ్లో నున్వొక్కదానివే పింక్‌ డ్రెస్‌ వేసుకుంటావు" నవ్వూతూ మాట్లాడాడు. ఆ తర్వాత సదరు అమ్మాయి.. బట్లర్తో సెల్ఫీ దిగి ఆటోగ్రాప్ తీసుకుంది. ఈ వీడియోను ఐపీఎల్ అధికారిక సోషల్మీడియాలో పోస్ట్ చేయగా ప్రస్తుతం ట్రెండ్ అవుతోంది. నెటిజన్లు బట్లర్ మనసు దోచిన గుజరాత్ చిన్నది అంటూ కామెంట్లు పెడుతున్నారు.
ఏడేళ్ల తర్వాత రెండో సారి.. ఇక ఆదివారం సాయంత్రం జరిగిన మ్యాచ్లో జాస్ బట్లర్ డకౌట్గా వెనుదిరిగాడు. ఐపీఎల్ కెరీర్‌లో అతడికి ఇది రెండోది. తన ఐపీఎల్ డెబ్యూ మ్యాచ్లో 2016లో రైజింగ్ పుణెతో జరిగిన పోరులో తొలిసారి డకౌట్గా అయిన అతడు... మళ్లీ ఇప్పుడు ఏడేళ్ల తర్వాత రెండో సారి డకౌట్ అయ్యాడు. గుజరాత్ టైటాన్స్‌ బౌలర్‌ మహ్మద్‌ షమీ బౌలింగ్‌లో క్లీన్‌బౌల్డ్‌ అయ్యాడు. ఈ మ్యాచ్లో రాజస్థాన్ రాయల్స్ అదిరిపోయే విజయాన్ని దక్కించుకుంది. సంజు శాంసన్‌ (60; 32 బంతుల్లో 3×4, 6×6), హెట్‌మయర్‌ (56 నాటౌట్‌; 26 బంతుల్లో 2×4, 5×6) చెలరేగడంతో ఈ మ్యాచ్లో రాయల్స్.. 3 వికెట్ల తేడాతో హార్దిక్ సేనపై గెలిచింది.
-
“I love you so much!” 💗 pic.twitter.com/0rL3v0z0km
— Rajasthan Royals (@rajasthanroyals) April 15, 2023 " class="align-text-top noRightClick twitterSection" data="
">“I love you so much!” 💗 pic.twitter.com/0rL3v0z0km
— Rajasthan Royals (@rajasthanroyals) April 15, 2023“I love you so much!” 💗 pic.twitter.com/0rL3v0z0km
— Rajasthan Royals (@rajasthanroyals) April 15, 2023
ఇదీ చూడండి: IPL 2023 : ఎవరీ తెలుగందం.. చూశారంటే.. ఐపీఎల్కు బ్రేక్ ఇవ్వరంతే
