IPL 2023 Final Match : ఐపీఎల్ 16వ సీజన్ చివరి దశకు వచ్చింది. దాదాపు రెండు నెలలపాటు ప్రేక్షకులను అలరించిన ఈ టోర్నీ ఫైనల్ పోరుకు సమయం ఆసన్నమైంది. ఇప్పటికే ఫైనల్కు దూసుకెళ్లిన చెన్నై టైటిల్ మీద కన్నేసింది. మరో బెర్త్ కోసం క్వాలిఫయర్ 2లో గుజరాత్, ముంబయి జట్లు హోరాహోరీగా శుక్రవారం తలపడనున్నాయి. ఈ నేపథ్యంలో ఐపీఎల్లో అత్యంత విజయవంతమైన ముంబయి ఇండియన్స్ జట్టుపై చర్చ జరుగుతోంది. ఆ జట్టు రికార్డులు తిరగేస్తున్నారు నెటిజన్లు. ముంబయి ఫైనల్కు వెళ్తే మాత్రం పక్కా టైటిల్ గెలుస్తుందని జోస్యం చెబుతున్నారు.
ఈ అభిప్రాయంలో నిజం లేకపోలేదు. ఇండియన్ ప్రీమియర్ లీగ్ మొదలైన అయిన 2008 నుంచి ఇప్పటివరకు ఆరు సార్లు ఫైనల్కు వెల్లింది ముంబయి జట్టు. అందులో ఐదు సార్లు జయకేతనం ఎగురవేసి టైటిల్ ముద్దాడింది. ఈ జట్టు ఫైనల్కు వచ్చిందంటే కప్పు కొట్టడం ఖాయం. లేకపోతే సీజన్ లీగ్ స్టేజ్లోనే ఇంటిముఖం పట్టే అలవాటుంది ఈ జట్టుకు. 2008,09 సీజన్లలో లీగ్ స్టేజీలోనే నిష్క్రమించింది. ఆ తర్వాత 2010లో మొదటిసారి ఫైనల్కు చేరిన ముంబయికి నిరాశ ఎదురైంది. చెన్నై చేతిలో 22 పరుగుల తేడాతో ఓడిపోయింది. ఆ తర్వాత 2011,12 సీజన్లలో ప్లే ఆఫ్స్ దశకు చేరుకున్నా.. ఫైనల్స్కు వెళ్లలేకపోయింది. 2013లో చెన్నైను 23 పరుగులతో ఓడించి ప్రతీకారం తీర్చుకుంది ముంబయి. ఆ తర్వాత 2015, 2017లో టైటిల్ గెలిచింది. ఇక, 2019, 2020 వరుసగా రెండు సార్లు విజయం సాధించింది. ఈ జట్టు రికార్డులను బట్టి చూస్తే ఈ సారి కూడా కప్పు కొట్టేటట్టే కనిపిస్తోంది.
IPL 2023 Qualifier 2 : ప్రస్తుతం ఐపీఎల్ సీజన్ను ఓటములతో ఆరంభించింది ముంబయి. ఆర్సీబీ, చెన్నై చేతిలో వరుసగా ఓటమిపాలైంది. ఆ తర్వాత పుంజుకుని హ్యాట్రిక్ విజయం సాధించింది. అలా చివరి లీగ్ మ్యాచ్లో సన్రైజర్స్ హైదరాబాద్పై విజయం సాధించి.. నాలుగో జట్టుగా క్వాలిఫయర్లోకి అడుగుపెట్టింది. అలా టైటిల్ సాధించిన ఐదు సందర్భాల్లో నాలుగుసార్లు సీజన్‌లను ఓటములతోనే ఆరంభించింది. అయితే, క్వాలిఫయర్ వస్తే.. ఈ జట్టుకు ఎక్కడ లేని బలం వస్తుంది. ప్రత్యర్థుల బలహీనతలను అంచనా వేసి సరైన వ్యూహంతో చివరి వరకు పోరాడుతుంది. ఇప్పుడు కూడా ఆరోసారి కట్టు కొట్టేందుకు ఉవ్విళ్లూరుతోంది. అందుకే ఈ సెకండ్ క్వాలిఫయర్లోనే గుజరాత్.. ముంబయిని ఆపాలని చెన్నై అభిమానులు కోరుకుంటున్నారు.
అయితే, చెన్నై జట్టుపై సులభంగా గెలవలేం. ఇప్పటివరకు సీఎస్కే నాలుగు సార్లు టైటిల్ గెలవగా.. ఐదు సార్లు ఫైనల్స్కు వెళ్లింది. ఈ రెండు జట్లు ఫైనల్లో నాలుగు సార్లు తలపడ్డాయి. 2010లో మొదటి సారి ఫైనల్కు వచ్చిన ముంబయిని చెన్నై చిత్తు చేసింది. ఆ తర్వాత 2013, 2015, 2019లో చెన్నైపై జయ కేతనం ఎగురవేసి టైటిల్ను ముద్దాడింది ముంబయి ఇండియన్స్ టీమ్. కాగా ఈ రెండు జట్లు ఐదోసారి ఫైనల్ పోరులో తలపడితే ఎవరు గెలుస్తారనేది ఆసక్తిగా మారింది.
