ప్రపంచవ్యాప్తంగా ఉన్న క్రికెట్ అభిమానుల్ని నిరాశకు గురిచేస్తూ ఐపీఎల్ 14వ సీజన్ వాయిదాపడింది. దేశంలో కరోనా విజృంభించడం, బయోబబుల్లోని ఆటగాళ్లకు వైరస్ సోకడం, ఆటగాళ్ల రక్షణ వంటి కారణాలతో ఈ సీజన్ను వాయిదా వేస్తూ నిర్ణయం తీసుకుంది బీసీసీఐ. సీజన్లో 60 మ్యాచ్లు ఆడాల్సి ఉండగా ఇప్పటివరకు 29 మ్యాచ్లు పూర్తయ్యాయి. ఈ కాస్త సమయంలోనే కొందరు తమ ప్రదర్శనతో ఆకట్టుకున్నారు. రికార్డులూ తిరగరాశారు. ఈ క్రమంలో ఇప్పటివరకు పూర్తయిన సీజన్లో ముఖ్యాంశాలు ఏంటో చూద్దాం.
- 36 - రాయల్ ఛాలెంజర్స్ బెంగళూరుతో జరిగిన మ్యాచ్లో ఓ ఓవర్లో 36 పరుగులు సాధించి రికార్డు సృష్టించాడు చెన్నై సూపర్ కింగ్స్ ఆల్రౌండర్ జడేజా. హర్షల్ పటేల్ వేసిన ఓవర్లో ఈ ఘనత సాధించాడు. ఓ ఓవర్లో 36 పరుగులు సాధించిన రెండో ఆటగాడు జడ్డూ.
- 119 - ఈ సీజన్లో రాజస్థాన్ రాయల్స్కు కెప్టెన్గా బాధ్యతలు నిర్వర్తించాడు యువ బ్యాట్స్మన్ సంజూ శాంసన్. పంజాబ్ కింగ్స్తో జరిగిన తొలి మ్యాచ్లో సెంచరీ (119)తో కదం తొక్కాడు. తద్వారా కెప్టెన్గా అరంగేట్రంలోనే సెంచరీ చేసిన తొలి ఆటగాడిగా రికార్డు సృష్టించాడు. కోహ్లీ
- 4 - ఈ సీజన్ పంజాబ్ కింగ్స్ బ్యాట్స్మన్ నికోలస్ పూరన్కు పీడకలగా మారింది. ఆడిన 7 మ్యాచ్ల్లో నాలుగుసార్లు డకౌట్గా వెనుదిరిగాడు. తద్వారా ఓ ఐపీఎల్ సీజన్లో ఎక్కువసార్లు సున్నా పరుగులకే ఔటైన రెండో బ్యాట్స్మన్గా చెత్త రికార్డు మూటగట్టుకున్నాడు.
- 5000 - గతేడాది ఫామ్ను తిరిగి కొనసాగిస్తూ ఈ సీజన్లోనూ దుమ్ముదులిపాడు దిల్లీ క్యాపిటల్స్ బ్యాట్స్మన్ శిఖర్ ధావన్. ఈ క్రమంలోనే లీగ్లో 5 వేల పరుగులు పూర్తి చేసుకున్నాడు. అలాగే ఐపీఎల్లో 5 వేల పరుగుల పూర్తి చేసిన తొలి ఓపెనర్గానూ రికార్డు సృష్టించాడు.ధావన్
- 2 - సన్రైజర్స్-దిల్లీ మధ్య జరిగిన మ్యాచ్ సూపర్ ఓవర్కు దారితీసింది. అయితే ఇందులో దిల్లీ అక్షర్ పటేల్తో, సన్రైజర్స్ రషీద్ ఖాన్తో బౌలింగ్ చేయించాయి. ఇలా ఓ సూపర్ ఓవర్లో ఇద్దరు స్పిన్నర్లు బౌలింగ్ చేయడం ఇదే తొలిసారి. వార్నర్
- 1 - ముంబయి ఇండియన్స్తో జరిగిన ఐపీఎల్ తొలి మ్యాచ్లో ఐదు వికెట్లతో సత్తాచాటాడు రాయల్ ఛాలెంజర్స్ బెంగళూరు బౌలర్ హర్షల్ పటేల్. తద్వారా ముంబయిపై ఐదు వికెట్లు సాధించిన తొలి బౌలర్గా రికార్డు సృష్టించాడు.పృథ్వీ షా
- 200 - ఈ సీజన్ ద్వారా ఆర్సీబీ, దిల్లీ ఐపీఎల్లో 200 మ్యాచ్లు పూర్తి చేసుకున్న రెండు, మూడో జట్లుగా ఘనత వహించాయి. ఇప్పటికే ముంబయి మైలురాయికి చేరుకుంది.
- 4000 - ఈ సీజన్ ద్వారా టీ20 కెప్టెన్గా 4000 పరుగులు పూర్తి చేసుకున్నాడు ముంబయి ఇండియన్స్ సారథి రోహిత్ శర్మ. ఈ ఘనత వహించిన నాలుగో ఆటగాడు హిట్మ్యాన్.రోహిత్
- 200 - ఈ సీజన్ ద్వారా ఐపీఎల్లో 200 సిక్సులను పూర్తి చేసుకున్నారు సురేశ్ రైనా, పొలార్డ్, డేవిడ్ వార్నర్. అయితే క్రిస్ గేల్ మాత్రం 350 సిక్సులు బాది ఎవ్వరికీ అందనంత ఎత్తులో నిలిచాడు.ధోనీ
