ఐపీఎల్ 14వ సీజన్(IPL 2021) చివరి అంకానికి చేరింది. ఇప్పటికే మూడు జట్లు ప్లేఆఫ్స్ బెర్తులు(IPL Playoffs 2021) ఖరారు చేసుకోగా ఇక మిగిలిన నాలుగో స్థానం కోసం మూడు జట్లు పోటీపడుతున్నాయి. ఈ క్రమంలోనే పాయింట్ల పట్టికలో 6, 7 స్థానాల్లో నిలిచిన ముంబయి ఇండియన్స్, రాజస్థాన్ రాయల్స్ జట్లు(MI Vs RR 2021) మంగళవారం సాయంత్రం జరగనున్న మ్యాచ్లో తలపడనున్నాయి. ఇప్పటికే చెరో 10 పాయింట్లతో(IPL Points Table 2021) కొనసాగుతున్న ఈ రెండు జట్లు.. ఈ మ్యాచ్లో విజయం సాధించి మరింత ఆధిపత్యం చెలాయించాలని ఆశిస్తున్నాయి.
రెండు మ్యాచ్ల్లోనూ గెలిస్తేనే
గతేడాది యూఏఈలో జరిగిన సీజన్లో విజేతగా నిలిచిన ముంబయి ఇండియన్స్ జట్టు.. ఈ ఏడాది పేలవ ప్రదర్శనతో ఆకట్టుకోలేకపోయింది. ఇప్పటివరకు లీగ్లో 12 మ్యాచ్లు ఆడిన రోహిత్ సేన కేవలం 5 మ్యాచ్ల్లో గెలుపొంది పాయింట్ల పట్టికలో 7వ స్థానంలో నిలిచింది. ఇక ప్లేఆఫ్స్కు చేరాలంటే నేడు జరగబోయే మ్యాచ్తో పాటు మరో పోరులోనూ కచ్చితంగా గెలవాల్సిన అవసరం ఉంది. ఈ నేపథ్యంలో రాజస్థాన్తో జరిగే మ్యాచ్లో గెలుపొంది పాయింట్ల పట్టికలో మెరుగవ్వాలని ముంబయి సన్నద్ధమవుతోంది.
అయితే గత మ్యాచ్లో దిల్లీతో జరిగిన మ్యాచ్లో ఓటమిపాలవ్వడం వల్ల జట్టులో పూర్తి నిరాశ కూరుక్కుపోయింది. దీంతో పాటు పేలవ ప్రదర్శన గత కొన్ని మ్యాచ్ల్లో జట్టును వెంటాడుతోంది. ఓపెనింగ్ బ్యాట్స్మెన్ రోహిత్ శర్మ, డికాక్ టీమ్కు సరైన భాగస్వామ్యం నెలకొల్పలేకపోయారు. సూర్యకుమార్ యాదవ్ గతమ్యాచ్లో పర్వాలేదనిపించినా.. ఆ తర్వాత మిడిల్ ఆర్డర్లో సౌరభ్ తివారితో పాటు ఆల్రౌండర్లు పొలార్డ్, హార్దిక్ పాండ్యా, క్రునాల్ పాండ్యాలు జట్టుకు అవసరమైన సమయంలో రాణించడంలో విఫలమవుతున్నారు. అటు బౌలింగ్ లైనప్లో బౌల్ట్, క్రునాల్ పాండ్యా, బుమ్రా, కౌల్టర్ నైల్ గత మ్యాచ్లో చెరో వికెట్ పడగొట్టారు.
జోరు కొనసాగించేనా?
ఐపీఎల్లో ప్రస్తుత సీజన్లో ఇప్పటికే 12 మ్యాచ్లో ఆడిన రాజస్థాన్ రాయల్స్ జట్టు 10 పాయింట్లతో.. ముంబయి కంటే మెరుగైన రన్రేట్తో ఆరవ స్థానంలో నిలిచింది. మంగళవారం రోజున ముంబయితో జరగనున్న మ్యాచ్లో గెలిచి నాలుగో స్థానానికి పోటీ పడాలని భావిస్తోంది. అయితే చెన్నై సూపర్కింగ్స్తో జరిగిన గతమ్యాచ్లో గెలుపొంది.. ఉత్సాహంతో ఉంది రాజస్థాన్ జట్టు. ఇదే జోరును ముంబయితో మ్యాచ్లోనూ కొనసాగించాలని చూస్తోంది. రాజస్థాన్ జట్టులో ఓపెనింగ్ బ్యాట్స్మన్ లూయిస్, జైశ్వాల్ సహా మిడిల్ ఆర్డర్లో సంజూ శాంసన్, శివమ్ దుబే, ఫిలిప్స్ వంటి వారితో బ్యాటింగ్ లైనప్ బలంగా ఉంది. మరోవైపు బౌలింగ్ లైనప్లో రాహుల్ తెవాతియా తిరిగి ఫామ్లోకి రాగా.. సకారియా, ముస్తఫిజుర్ ఫర్వాలేదనిపిస్తున్నారు. అటు బ్యాటింగ్తో పాటు బౌలింగ్లోనూ సత్తా చాటితే ఈ మ్యాచ్లో రాజస్థాన్ విజయం ఖాయంగా కనిపిస్తోంది.
ఏ సమయంలో..
రాజస్థాన్ రాయల్స్, ముంబయి ఇండియన్స్ మధ్య జరగనున్న మ్యాచ్ భారత కాలమానం ప్రకారం రాత్రి 7.30 గంటలకు ప్రారంభం కానుంది.
తుదిజట్లు(అంచనా):
రాజస్థాన్ రాయల్స్: ఎవిన్ లూయిస్, యశస్వి జైస్వాల్, సంజూ శాంసన్(కెప్టెన్, వికెట్ కీపర్), శివమ్ దుబే, గ్లెన్ ఫిలిప్స్, డేవిడ్ మిల్లర్, రాహుల్ తెవాటియా, ఆకాశ్ సింగ్, మయాంక్ మార్కండే, చేతన్ సకారియా, ముస్తాఫిజుర్ రెహ్మన్.
ముంబయి ఇండియన్స్: రోహిత్ శర్మ(కెప్టెన్), క్వింటన్ డికాక్(వికెట్ కీపర్), సూర్యకుమార్ యాదవ్, సౌరభ్ తివారి, క్రునాల్ పాండ్యా, హార్దిక్ పాండ్యా, కిరన్ పొలార్డ్, కౌల్టర్ నైల్, జయంత్ యాదవ్, జస్ప్రిత్ బుమ్రా, ట్రెంట్ బౌల్ట్.
ఇదీ చూడండి.. ఇంగ్లాండ్తో టెస్టు సిరీస్పై హిట్మ్యాన్ సంచలన వ్యాఖ్యలు
