క్రికెట్ అభిమానులు ఎంతగానో ఎదురుచూస్తున్న ఐపీఎల్ మరికొద్ది రోజుల్లో ప్రారంభం కానుంది. ఇటీవేల మినీ వేలం కూడా ముగిసింది. కొందరు ఆటగాళ్లను అట్టిపెట్టుకున్న ఫ్రాంచైజీలు.. మరికొందరిని వేలంలో కొనుగోలు చేశాయి. అయితే చెన్నై సూపర్ కింగ్ జట్టు కెప్టెన్, టీమ్ఇండియా మాజీ సారథి మహేంద్రసింగ్ ధోనీ సన్నద్ధమవుతున్నాడు. చెన్నైలోని చిదంబరం స్డేడియంలో ప్రాక్టీస్ మొదలుపెట్టాడు.
నెట్స్లో బౌలర్లను ఎదుర్కొంటూ మిస్టర్ కూల్.. తనదైన శైలిలో షాట్లతో అలరిస్తున్నాడు. అందుకు సంబంధించిన వీడియోను సీఎస్కే ఇన్‌స్టాలో షేర్‌ చేసింది. ఆ వీడియో కాస్త ప్రస్తుతం వైరల్‌ అవుతోంది. "మహీ భాయ్‌ వచ్చేస్తున్నాడు. ఐదో ట్రోఫీని గెలిచి తీరతాడు. ఆ క్షణం కోసం ఎంతగానో ఎదురుచూస్తున్నాం" అంటూ చెన్నై అభిమానులు కామెంట్లు చేస్తున్నారు.
- " class="align-text-top noRightClick twitterSection" data="
">
మార్చి 31 నుంచి మే 28వ తేదీ వరకు ఐపీఎల్ జరగనుంది. డిఫెండింగ్ ఛాంపియన్ గుజరాత్ టైటాన్స్, చెన్నై సూపర్ కింగ్స్ మధ్య మ్యాచ్తో ఈ క్యాష్ రిచ్ లీగ్కు తెరలేవనుంది. ఇప్పటివరకు చెన్నై జట్టుకు నాలుగు ట్రోఫీలు అందించిన ధోనీ.. సక్సెస్ఫుల్ సారథిగా పేరు సంపాదించాడు. గతేడాది డిఫెండింగ్ ఛాంపియన్‌గా బరిలోకి దిగిన చెన్నై.. ఘోర పరాభవాన్ని మూటగట్టుకుంది. టీమ్ఇండియా ఆల్‌రౌండర్‌ రవీంద్ర జడేజాను సారథిగా నియమించి భారీ మూల్యం చెల్లించుకుంది. కెప్టెన్సీ భారాన్ని భరించలేని జడ్డూ మధ్యలోనే పగ్గాలు వదిలేయగా.. మళ్లీ ధోనీ ఆ బాధ్యతను తలకెత్తుకున్నాడు. కానీ అప్పటికే జరగాల్సిన నష్టం పోయింది. 14 మ్యాచుల్లో కేవలం 4 మాత్రమే గెలిచి పాయింట్ల పట్టికలో తొమ్మిదో స్థానంలో నిలిచింది.
ఇకపోతే, ఆటగాడిగా ధోనీకి ఇదే ఆఖరి ఐపీఎల్ అన్న వార్తల నేపథ్యంలో ఈసారి ఎలాగైనా టైటిల్‌ గెలవాలని ఫ్యాన్స్‌ కోరుకుంటున్నారు. ఐదోసారి జట్టుకు కప్ అందించాలని అంటున్నారు. మరోవైపు.. ఈసారి వేలంలో ఇంగ్లాండ్‌ కెప్టెన్ బెన్‌స్టోక్స్‌ను కొనుగోలు చేసిన సీఎస్కే.. ధోనీ సూచన మేరకు అతడిని సీఎస్కే సారథిగా నియమించనున్నట్లు వార్తలు వినిపిస్తున్నాయి.
