కచ్చితంగా గెలవాల్సిన మ్యాచ్ కోసం కింగ్స్ ఎలెవన్ పంజాబ్ సిద్ధమైంది. చెన్నై సూపర్కింగ్స్తో నేడు (ఆదివారం) జరిగే పోరులో ఎలాగైనా గెలవాలనే పట్టుదలతో ఉంది. ఇప్పటికే టోర్నీ నుంచి నిష్క్రమించిన చెన్నై, ఈ పోరులో విజయం సాధించి పరువు కాపాడుకోవాలని చూస్తోంది.
ఈ మ్యాచ్లో గెలిస్తే పంజాబ్ నాలుగో స్థానానికి చేరుకోవచ్చు. అదే సమయంలో హైదరాబాద్.. తన రెండు మ్యాచ్ల్లో ఏదో ఓ దానిలో ఓడిపోవాల్సి ఉంటుంది. ఇదే కాకుండా మిగిలిన లీగ్ మ్యాచ్ల ఫలితాలపై పంజాబ్ భవిష్యత్తు ఆధారపడి ఉంటుంది.
పంజాబ్కు అవకాశాలు ఎక్కువే!
ప్రస్తుతం 12 పాయింట్లతో నాలుగో స్థానంలో ఉన్న పంజాబ్.. చెన్నైతో ఆఖరి లీగ్ మ్యాచ్ ఆడనుంది. గేల్ రాకతో వరుసగా ఆరు మ్యాచ్ల్లో ఐదు గెలిచి, రాజస్థాన్తో జరిగిన గత మ్యాచ్లో ఓడింది. మళ్లీ ఫామ్లోకి వచ్చి, టాప్-4లో నిలవాలని చూస్తోంది.
బ్యాటింగ్లో కేఎల్ రాహుల్, గేల్, పూరన్ అదరగొడుతున్నారు. బౌలింగ్ విభాగం నుంచి వీరికి పూర్తి సహకారం అందాల్సి ఉంది. ప్రత్యర్థి బ్యాట్స్మెన్ను నిలువరించగలిగితే పంజాబ్కు గెలవడం పెద్ద కష్టమేమీ కాదు!
పరువు కోసం చూస్తున్న చెన్నై
ఇప్పటికే ప్లేఆఫ్స్ నుంచి నిష్క్రమించిన చెన్నై.. గత రెండు మ్యాచ్ల్లో గెలిచింది. యువ బ్యాట్స్మన్ రుతురాజ్ గైక్వాడ్.. వరుసగా అర్ధశతకాలు చేసి ఆకట్టుకుంటున్నాడు. ఇప్పుడిదే ఊపును పంజాబ్పై కొనసాగించాలని చూస్తున్నాడు. జడేజా కూడా ఫినిషర్గా అదరగొడుతున్నాడు. బౌలర్లు కూడా తమ వంతు పాత్ర పోషిస్తున్నారు. మరి పంజాబ్పై ఏం చేస్తారో చూడాలి.
జట్లు(అంచనా)
చెన్నై: సామ్ కరన్, డుప్లెసిస్, రాయుడు, జగదీషన్, ధోనీ (కెప్టెన్), రుతురాజ్, జడేజా, దీపక్ చాహర్, శార్దుల్ ఠాకూర్, హెజిల్వుడ్, తాహిర్
పంజాబ్: కేఎల్ రాహుల్(సారథి), మయాంక్ అగర్వాల్, గేల్, పూరన్, మాక్స్వెల్, దీపక్ హుడా, నీషమ్, మురుగన్ అశ్విన్, షమీ, రవి బిష్ణోయ్, అర్షదీప్ సింగ్
