IND vs SL 3rd T20: రోహిత్ సారథ్యంలోని టీమ్ఇండియా వరుస విజయాలతో జోరు మీద ఉంది. శ్రీలంకతో శనివారం జరిగిన రెండో టీ20తో ఇప్పటికే సిరీస్ దక్కించుకున్న టీమ్ఇండియా ప్రత్యర్థిని క్లీన్స్వీప్ చేయాలనే లక్ష్యంతో బరిలోకి దిగనుంది. టాస్ గెలిచిన శ్రీలంక టీమ్ఇండియాను బౌలింగ్కు ఆహ్వానించింది.
రోహిత్ శర్మ రికార్డ్..
కెప్టెన్ రోహిత్ శర్మ ఈ మూడో టీ20తో రికార్డు సృష్టించాడు. అత్యధిక టీ20 గేమ్స్ ఆడిన ఆటగాడిగా రికార్డు నెలకొల్పిన పాక్ ఆటగాడు షోయబ్ మాలిక్ను వెనక్కి నెట్టి అగ్రస్థానంలో నిలిచాడు. షోయబ్ మాలిక్ 124 అంతర్జాతీయ టీ20లు ఆడితే.. లంకతో మూడో టీ20తో రోహిత్ జాబితాలో ఆ సంఖ్య 125కు చేరింది.
ఈ టీ20తో టీమ్ఇండియా మరిన్ని రికార్డులు సృష్టించే అవకాశం ఉంది. వరుస విజయాలు నమోదు చేసిన టీమ్ఇండియా ఈ మ్యాచ్లో కూడా గెలిస్తే.. టీ20ల్లో అత్యధిక వరుస విజయాలు నమోదు చేసిన అఫ్గానిస్థాన్ సరసన నిలుస్తుంది.
మరోవైపు గాయం కారణంగా టీమ్ఇండియా కీలక ఆటగాడు ఇషాన్ కిషన్ మూడో టీ20కి దూరమయ్యాడు. రెండో టీ20లో తలకు దెబ్బతగిలి గాయపడిన ఇషాన్.. ఆస్పత్రిలో చికిత్స పొంది ఆదివారం డిశ్చార్జి అయ్యాడు. విశేషం ఏంటంటే.. ఈ మ్యాచ్లో భారత్కు 8 మంది బౌలర్లు అందుబాటులో ఉండనున్నారు. ఆల్రౌండర్లు జడేజా, వెంకటేశ్ అయ్యర్, హుడా.. బౌలింగ్ కూడా చేస్తారు. హర్షల్ పటేల్, బిష్ణోయ్, సిరాజ్, కుల్దీప్, అవేశ్ ఖాన్ రెగ్యులర్ బౌలర్లుగా ఉన్నారు.
భారత్ : రోహిత్ శర్మ(కెప్టెన్), సంజూ శాంసన్, శ్రేయస్ అయ్యర్, రవీంద్ర జడేజా, వెంకటేశ్ అయ్యర్, దీపక్ హుడా, హర్షల్ పటేల్, రవి బిష్ణోయ్, మహ్మద్ సిరాజ్, కుల్దీప్ యాదవ్, అవేశ్ ఖాన్.
శ్రీలంక : పతుమ్ నిషాంక, గుణతిలక, అసలంక, చండీమల్, లియాంగే, షనక(కెప్టెన్), కరుణరత్నె, వాండర్సే, ఫెర్నాండో, చమీర, కుమార.
ఇదీ చూడండి : 'రోహిత్ పట్టిందల్లా బంగారమే'- కెప్టెన్పై ప్రశంసల వర్షం
