Ramiz Raja: పాక్ మాజీ ప్రధాని, క్రికెట్ టీమ్ మాజీ కెప్టెన్ ఇమ్రాన్ ఖాన్తో చాలా కాలంగా మాట్లాడట్లేదని అన్నాడు పాకిస్థాన్ క్రికెట్ బోర్డు(పీసీబీ) ఛైర్మన్ రమీజ్ రాజా. మీడియాతో పలు విషయాలపై మాట్లాడాడు. ఇమ్రాన్ తనతో సంబంధాలు తెంచుకున్నారని పేర్కొన్న రమీజ్.. ప్రస్తుత ప్రధాని షాబాజ్ షరీఫ్ అసలు టచ్లోనే లేరని తెలిపాడు.
''ఇమ్రాన్ భాయ్ నాతో సంబంధాలు తెంచుకున్నారు. ఆయనతో చాలా కాలంగా మాట్లాడట్లేదు. మేం ఊహాగానాల చుట్టూ బతకలేం. రాజకీయ వైరుద్ధ్యాలను పక్కనపెట్టి.. దీనిని కొనసాగించాలని నేను భావిస్తున్నా. ప్రస్తుత ప్రధాని మాతో కనీసం టచ్లో లేరు. ఆయనకు ఒకటే విజ్ఞప్తి చేస్తున్నా. మాకోసం సమయం కేటాయిస్తే.. మేం ఆయనను కలిసి మా వర్క్ గురించి చెబుతాం. ఇక్కడ ఈగోలను పక్కనపెట్టాలని నేనంటా. అందరం కలిసి క్రికెట్ ఉన్నతికి కృషి చేయాలి.''
- రమీజ్ రాజా, పాక్ క్రికెట్ బోర్డు ఛైర్మన్
తన పదవి ఉంటుందా? పోతుందా? అనే విషయంపైనా స్పందించాడు రమీజ్. ఒకవేళ పీసీబీ ఛైర్మన్ పదవిని ప్రతిసారీ తొలగించాలని రాజ్యాంగంలో రాసుంటే అలానే చేయొచ్చని అన్నాడు. వ్యక్తిగత లక్ష్యాలను నెరవేర్చుకోవడం ద్వారా ఆటను ముందుకు తీసుకెళ్లలేమని వ్యాఖ్యానించాడు. ఏదేమైనా బంతి ఆయన (పీఎం షాబాజ్ షరీఫ్) కోర్టులోనే ఉందని తెలిపాడు.
మరోవైపు ఐపీఎల్పైనా స్పందించాడు రాజా. ఇండియన్ ప్రీమియర్ లీగ్ను వీక్షించేందుకు రావాలని.. బీసీసీఐ ఛైర్మన్ గంగూలీ తనను ఆహ్వానించాడని తెలిపాడు రమీజ్. ఇతరుల నుంచి విమర్శలు ఎదుర్కోవాల్సి వస్తుందని గంగూలీ ఆహ్వానాన్ని తిరస్కరించినట్లు వెల్లడించాడు. రాబోయే ఐపీఎల్కు.. ఐసీసీ స్పెషల్ విండోను వ్యతిరేకించిన పాక్ క్రికెట్ బోర్డు ఛైర్మన్ రానున్న సమావేశంలో దీనిని సవాల్ చేయనున్నట్లు వివరించాడు.
ఇవీ చూడండి: పసికూనతో టీమ్ఇండియా ఢీ.. తక్కువ అంచనా వేస్తే కష్టమే!
100 సిక్సర్లు.. 100 వికెట్లు.. తొలి టెస్టు క్రికెటర్గా రికార్డు పుస్తకాల్లోకి!
