ఐపీఎల్ రెండో దశ ప్రారంభానికి ముందే కోల్కతా నైట్ రైడర్స్కు ఎదురుదెబ్బ తగిలేలా ఉంది. ఆస్ట్రేలియా పేసర్ ప్యాట్ కమిన్స్ ఈ లీగ్లో పాల్గొనకపోవడమే ఇందుకు కారణం.
"కుటుంబ కారణాల వల్ల ఆసీస్ క్రికెటర్లు డేవిడ్ వార్నర్తో పాటు ప్యాట్ కమిన్స్.. వెస్టిండీస్ పర్యటనకు దూరమయ్యారు. మిగిలిన వారు యథావిధిగా మ్యాచ్ల్లో పాల్గొంటారు. ఐపీఎల్ మిగతా లీగ్లో పాల్గొనని విషయాన్ని కమిన్స్ ఇప్పటికే వెల్లడించాడు. అందుకు ప్రత్యేక కారణమేమీ లేదు. వేలంలో అత్యధిక ధర పొందిన ఆటగాళ్లలో ఇతడు ఒకడు" అని సిడ్నీ మార్నింగ్ హెరాల్డ్ పత్రికా కథనం ప్రచురించింది.
అంతకుముందు ఇంగ్లాండ్ జట్టు మేనేజింగ్ డైరెక్టర్ యాష్లే గైల్స్ కూడా ఐపీఎల్ కోసం తమ జట్టు ఆటగాళ్ల షెడ్యూళ్లలో మార్పులు చేయబోమని తెలిపారు. టీ20 ప్రపంచకప్కు ముందు పలు సిరీస్లు ఆడనుండటం ఇందుకు కారణమని చెప్పారు.
సెప్టెంబర్ నుంచి అక్టోబర్ మధ్య 25 రోజుల పాటు మిగిలిన ఐపీఎల్ మ్యాచ్లను నిర్వహించాలని బీసీసీఐ నిర్ణయించింది.
ఇదీ చదవండి: IPL: ఐపీఎల్ కోసం సీపీఎల్ షెడ్యూల్లో మార్పు!
