ఐపీఎల్లో తనపై జాతివివక్ష చూపిస్తూ వ్యాఖ్యలు చేశారని ఆరోపించిన వెస్టిండీస్ మాజీ కెప్టెన్ డారెన్ సామి.. తాజాగా తన ఇన్స్టాలో భావోద్వేగంతో కూడిన ఓ వీడియో సందేశాన్ని పోస్ట్ చేశాడు. ఎవరైతే తనపై వివక్ష చూపారో.. ఆ విషయం వారికి కూడా తెలుసని అన్నాడు. వారు ఎందుకు అలా చేసేవారో ఓసారి ఆత్మపరీక్ష చేసుకోవాలన్నాడు.
"ప్రపంచంలోని అన్ని దేశాల క్రికెట్ జట్లతో ఆడాను. నేను ఆడిన ప్రతిచోటా డ్రెసింగ్రూమ్లో ప్రతిఒక్కరినీ సమానంగా చూసేవాడిని. అలాగే తమ సంస్కృతిలో కొంతమంది ప్రజలు నల్లజాతీయులను ఎలా స్వీకరిస్తారు? ఏ పదంతో పిలుస్తూ వారిని ఎగతాళి చేసేవారో ఇండియన్ అమెరికన్ దర్శకనటుడుస, కమెడియన్ హసన్ మిన్హాజ్ షో ద్వారా తెలుసుకున్నాను. సన్రైజర్స్ హైదరాబాద్తో ఆడేటప్పుడు కొంతమంది 'కాలు' పదంతో నన్ను పిలిచేవారు. ఆ సమయంలో ఆ పదం అర్థం తెలీదు. కానీ నా సహచరులు మాత్రం నవ్వుకునేవారు. నేను పెద్దగా పట్టించుకునేవాడిని కాదు. సరదాగా తీసుకునేవాడిని. కానీ ఇప్పుడు అలా కాదు. ఎవరైతే నన్ను హేళనగా చూస్తూ వెక్కిరిస్తూ పిలిచారో.. ఆ విషయం వారికి కూడా తెలుసు. అలా నన్ను ఎందుకు అనేవారో మీరే ఆత్మపరిశీలన చేసుకోవాలి. నాకు ఇంకా బాగానే గుర్తుంది.. ఎవరెవరు 'కాలు' అనే పదంతో పిలిచేవారో. మనం కూర్చుని ఈ విషయంపై పరస్పరంగా మాట్లాడుకుందాం."
-డారెన్ సామి, వెస్టిండీస్ మాజీ కెప్టెన్
అయితే డారెన్ సామి ఆరోపణలను బీసీసీఐ ఖండించింది. అలాంటిదేమీ జరగలేదని వెల్లడించింది. అతడి మాజీ సహచరులు పార్థివ్‌ పటేల్‌, ఇర్ఫాన్‌ పఠాన్‌, వేణుగోపాల్ రావు కూడా ఈ వ్యాఖ్యలను వ్యతిరేకించారు.
- " class="align-text-top noRightClick twitterSection" data="
">
ఇది చూడండి : 'ఐపీఎల్లో నాపై జాతివివక్ష వ్యాఖ్యలు చేశారు'
ఇది చూడండి : 'దక్షిణాది క్రికెటర్లూ వివక్షను ఎదుర్కొన్నారు'
