న్యూజిలాండ్ పర్యటనలో టీమిండియా నిరాశపర్చింది. కెప్టెన్ కోహ్లీపై విమర్శలు వెల్లువెత్తుతున్నాయి. అయితే ఈ విషయంలో అతడికి మద్ధతుగా నిలిచాడు భారత మాజీ క్రికెటర్ వీరేంద్ర సెహ్వాగ్.
'క్రికెట్ కెరీర్లో అందరూ సంధి దశ ఎదుర్కొన్నవారే. అప్పట్లో సచిన్, లారా.. ఇప్పుడు స్టీవ్ స్మిత్లకు ఫామ్లేమి బాధ తప్పట్లేదు. ఒకానొక సమయంలో నేనూ ఈ సమస్యను ఎదుర్కొన్నా. అయినా సహజసిద్ధమైన ఆటను వదులుకోలేదు. మళ్లీ ఫామ్ అందుకోవాలంటే కాస్త సహనం అవసరం. కోహ్లీ తప్పుకుండా తిరిగి జోరందుకుంటాడు. కివీస్తో సిరీస్ల్లో అతడు బ్యాటింగ్లో, కెప్టెన్సీలో ప్రయత్నాలు చేశాడు. కానీ అదృష్టం కలిసిరాలేదు' -వీరేంద్ర సెహ్వాగ్, మాజీ క్రికెటర్
ఈ పర్యటనలో మొత్తంగా 11 ఇన్నింగ్స్లు ఆడిన కోహ్లీ.. కేవలం ఒక్క అర్ధ శతకం మాత్రమే చేశాడు. ఇతడి బ్యాటింగ్ వైఫల్యం, భారత్ ఓడిపోవడానికి ఓ కారణమని పలువురు విశ్లేషకులు అభిప్రాయపడుతున్నారు. టీ20 సిరీస్ను 5-0 తేడాతో గెల్చుకున్న టీమిండియా.. వన్డేలను 0-3, టెస్టులను 0-2 తేడాతో కోల్పోయింది.
కోహ్లీ చివరగా గతేడాది జరిగిన బంగ్లాదేశ్తో డే/నైట్ టెస్టులో శతకం చేశాడు. అప్పటి నుంచి ఒక్క సెంచరీ చేయలేకపోయాడు. రానున్న దక్షిణాఫ్రికా వన్డే సిరీస్, ఐపీఎల్లోనూ ఇలానే ఆడితే కష్టమే.
