పాకిస్థాన్ మాజీ బౌలర్ షోయబ్ అక్తర్ వేసిన బౌన్సర్లకు క్రికెట్ లెజెండ్ సచిన్ తెందూల్కర్ ఇబ్బంది పడ్డాడని ఆ దేశ మాజీ పేసర్ మహ్మద్ ఆసిఫ్ అన్నాడు. 2006లో పాకిస్థాన్ పర్యటనకు వచ్చిన భారత్ సిరీస్ను గుర్తుచేసుకున్నాడీ బౌలర్. ఈ సిరీస్లో ఇర్ఫాన్ పఠాన్ హ్యాట్రిక్ వికెట్లతో అదరగొట్టాడు.
మహ్మద్ ఆసిఫ్.. స్పాట్ ఫిక్సింగ్ కారణంగా గతంలో ఏడేళ్ల పాటు సస్పెన్షన్ అనుభవించాడు.
"2006లో పాకిస్థాన్కు వచ్చిన భారత జట్టు మంచి బ్యాటింగ్ లైనప్తో వచ్చింది. ధోనీ ఏడో, ఎనిమిదో స్థానంలో బ్యాటింగ్ వచ్చాడు. ఫైసలాబాద్ టెస్టులో ఇరు జట్లు 600 పరుగులు చేశాయి. ద్రవిడ్, సెహ్వాగ్ దూకుడుగా ఆడారు. భారత జట్టును చూసి మేము కొంత భయపడ్డాం. ఇర్ఫాన్ పఠాన్ మొదటి ఓవర్లనే హ్యాట్రిక్ సాధించాడు. క్రమంగా మాలో ధైర్యం కోల్పోతున్నాం. మేము సుమారు 240 పరుగులు చేసి.. బౌలింగ్ ప్రారంభించగా అక్తర్ ఎక్స్ప్రెస్ వేగంతో బౌలింగ్ చేశాడు. అప్పుడు క్రీజ్లో ఉన్న సచిన్ భయంతో రెండు సార్లు కళ్లు మూసుకున్నాడు".
- మహ్మద్ ఆసిఫ్, పాకిస్థాన్ మాజీ పేసర్
తొలి ఇన్నింగ్స్లోని మొదటి ఓవర్లలో సల్మాన్ భట్, యూనిస్ ఖాన్, మహ్మద్ యూసఫ్లను కోల్పోయినప్పటికీ.. కమ్రాన్ అక్మల్ చేసిన శతకంతో పాక్ 245 పరుగులకు చేరింది. ఆ తర్వాత బరిలోకి దిగిన భారత్ 238 పరుగులకే కుప్పకూలిపోయింది.
రెండవ ఇన్నింగ్స్‌లో పాకిస్థాన్ 7 వికెట్ల నష్టానికి 599 పరుగులు సాధించింది. ఇక్బాల్ సెంచరీతో పాటు మహ్మద్ యూసఫ్ సహకారంతో ఆ మ్యాచ్లో పూర్తి నియంత్రణ సాధించింది. బౌలింగ్లో రజాక్, ఆసిఫ్ భారత బ్యాటింగ్ లైనప్ను ఛేదించి సిరీస్ను కైవసం చేసుకుంది పాక్. యువరాజ్ చేసిన సెంచరీ వృథా అయ్యింది.
ఇదీ చూడండి... 'ఐపీఎల్ ఆడాలా వద్దా? అనేది వాళ్ల ఇష్టం'
