వచ్చే ఏడాది భారత్లో టీ20 ప్రపంచకప్ జరగనుంది. అయితే ఇందులో పాల్గొనేందుకు వీసాలు ఇస్తారో లేదో అనే విషయమై పాకిస్థాన్ క్రికెట్ బోర్డులో ఆలోచన మొదలైంది. ఇందులో ఆడే తమ ఆటగాళ్లు, సహాయక సిబ్బందికి వీసాల మంజూరుపై హామీ ఇవ్వాలని ఐసీసీని కోరినట్లు పీసీబీ సీఈవో వసీమ్ ఖాన్ వెల్లడించారు. ఏ ఇబ్బంది లేకుండా తమ క్రికెటర్లు ఆడేలా చూడాలని విజ్ఞప్తి చేసినట్లు తెలిపారు.
ఈ విషయంలో ఐసీసీ జోక్యం చేసుకుని.. భారత ప్రభుత్వం, బీసీసీఐతో చర్చించాలని వసీమ్ ఖాన్ కోరారు. అంతర్జాతీయ క్రికెట్ కౌన్సిల్ త్వరలోనే దీనిపై సమాధానమిస్తుందని ఆశాభావం వ్యక్తం చేశారు.
2008 నుంచి భారత జట్టు పాక్‌లో పర్యటించలేదు. 2012లో పాక్, ఇక్కడ టీ20 సిరీస్ ఆడింది. ఉగ్రవాదం నిర్మూలించేంత వరకు దాయాది దేశంతో ఆడేందుకు టీమ్ఇండియాను అనుమతించమని కేంద్ర ప్రభుత్వం గతంలో ప్రకటించింది. అందుకే ఐసీసీ టోర్నీల్లో మాత్రమే భారత్-పాక్లు తలపడుతున్నాయి.
పదేళ్ల క్రితం శ్రీలంక జట్టు బస్సుపై లాహోర్‌లో ఉగ్రదాడి జరిగింది. ఆ తర్వాత ఏ దేశమూ పాక్ గడ్డపై అడుగుపెట్టలేదు. గతేడాది లంకేయులే మళ్లీ అక్కడ మ్యాచ్లు ఆడారు.
