మహిళా టీ20 ప్రపంచకప్లో తొలిరోజే భారత్ అదరగొట్టింది. డిఫెండింగ్ ఛాంపియన్, ఆతిథ్య ఆస్ట్రేలియాపై 17 పరుగుల తేడాతో గెలిచింది. ఈ మ్యాచ్లో టీమిండియా బౌలర్ పూనమ్ యాదవ్ 4 వికెట్లు పడగొట్టినా, కెరీర్లో మరో హ్యాట్రిక్ తీసే అవకాశాన్ని చేజార్చుకుంది. ఈమెకు ఇలా జరగడం మూడోసారి. మ్యాచ్ అనంతరం 'ప్లేయర్ ఆఫ్ ద మ్యాచ్' అవార్డు అందుకుంటూ ఈ విషయమై మాట్లాడింది పూనమ్.
" గతంలో గాయంతో ఇబ్బందిపడినప్పుడు ఫిజియో, తోటి ఆటగాళ్ల నుంచి మంచి సహకారం లభించింది. ఇంతకు ముందు ఆసీస్పై మంచి ప్రదర్శన చేశాను. అదే ఆటతీరు ఈరోజు కొనసాగించాను. అయితే ఈరోజుతో కలిపి మూడోసారి హ్యాట్రిక్ చేజారింది. గాయం తర్వాత మళ్లీ జట్టులో చోటు దక్కించుకోవడం అంత సులభం కాదు. అయినా నాకు మద్దతుగా నిలిచిన వారందరికి ధన్యవాదాలు"
--పూనమ్ యాదవ్, భారత బౌలర్
హ్యాట్రిక్ మిస్
ఛేదనలో పూనమ్.. 11వ ఓవర్ మూడో బంతికి హైనెస్ను స్టంపౌట్గా పెవిలియన్కు పంపిది. తర్వాతి బంతికే పెర్రీని క్లీన్బౌల్డ్ చేసింది. హ్యాట్రిక్ బంతికి జొనస్సెన్ ఔట్ కావాల్సింది. కానీ వికెట్ కీపర్ భాటియా బంతిని పట్టుకోవడంలో విఫలమవడం వల్ల హ్యాట్రిక్ను చేజార్చుకుంది పూనమ్.
మొత్తంగా ఓపెనర్ హేలీ(51), హైనెస్(6), ఎలిస్ పెర్రీ(0), జొనస్సెన్(2) వికెట్లు తీసిన పూనమ్ యాదవ్.. భారత జట్టు విజయంలో కీలకపాత్ర పోషించింది.
ఈ మ్యాచ్లో తొలుత బ్యాటింగ్‌ చేసిన భారత్.. నిర్ణీత 20 ఓవర్లలో 4 వికెట్ల నష్టానికి 132 పరుగులు చేసింది. అనంతరం ఆసీస్ 19.5 ఓవర్లలో 115 పరుగులకే కుప్పకూలింది.
