టీమ్ఇండియా(IND vs NZ T20 series).. న్యూజిలాండ్తో టీ20 సిరీస్కు సిద్ధమవుతోంది. ఈ మేరకు జట్టును ఇటీవలే ప్రకటించింది బీసీసీఐ. అయితే.. నవంబర్ 17న జైపుర్ వేదికగా(India vs NZ Jaipur match) తొలి టీ20 మ్యాచ్ జరగనున్న నేపథ్యంలో రాజస్థాన్ క్రికెట్ అసోసియేషన్ కీలక ప్రకటన చేసింది. కనీసం కొవిడ్ టీకా తొలి డోసు తీసుకున్నవారినే మైదానంలోకి అనుమతించనున్నట్లు పేర్కొంది.
ఈ మేరకు రాష్ట్ర ప్రభుత్వంతో సమావేశమై కీలక నిర్ణయం తీసుకున్నట్లు రాష్ట్ర క్రికెట్ నిర్వహణ కమిటీ తెలిపింది. దాదాపు 8 ఏళ్ల తర్వాత జైపుర్ మైదానంలో అంతర్జాతీయ మ్యాచ్ జరుగుతున్నట్లు పేర్కొంది. టిక్కెట్టు ధర రూ. 1000 నుంచి రూ. 15,000 వరకు ఉంటుందని స్పష్టం చేసింది.
"మైదానంలోకి అభిమానులను అనుమతించే విషయంపై రాష్ట్ర హోంశాఖతో చర్చించాం. రాష్ట్ర ప్రభుత్వం విధించిన కొవిడ్ నిబంధనల దృష్ట్యా.. కనీసం ఒక్కడోసు టీకా తీసుకున్నవారినే మైదానంలోకి అనుమతించనున్నాం. మాస్కులు, శానిటేషన్, థర్మల్ స్క్రీనింగ్ తప్పనిసరి చేశాం" అని రాజస్థాన్ క్రికెట్ అసోసియేషన్ సెక్రటరీ మహేంద్ర శర్మ తెలిపారు.
భారత్, కివీస్ మధ్య టీ20 సిరీస్ నవంబర్ 17-21 మధ్య జరగనుంది. తొలి మ్యాచ్ జైపూర్(నవంబర్ 17), రెండో మ్యాచ్ రాంచీ(నవంబర్ 19), మూడో మ్యాచ్ కోల్కతా(నవంబర్ 21) వేదికగా జరగనున్నాయి. అనంతరం భారత్తో టెస్టు మ్యాచ్లు ఆడనుంది కివీస్. నవంబర్ 25-29 మధ్య కాన్పుర్లో తొలి టెస్టు, డిసెంబర్ 3-7 మధ్య ముంబయి వేదికగా రెండో టెస్టు జరగనుంది.
ఇదీ చదవండి:
IND vs NZ series: 'టీమ్ఇండియా జెర్సీ ధరించాలనే కల నెరవేరింది'
