Asia Cup 2023 Hybrid Model : ఆసియా కప్ నిర్వహణ విషయంలో పాకిస్థాన్ ప్రతిపాదించిన హైబ్రిడ్ మోడల్కు ఆసియా క్రికెట్ మండలి(ఏసీసీ) ఆమోదం తెలుపనున్నట్లు సమాచారం. మరో రెండు రోజుల్లో ఆ ప్రదిపాదనను ఏసీసీ ఆమెదించే అవకాశం ఉందని తెలుస్తోంది. ఈ మేరకు ఏసీసీ అధ్యక్షుడు జై షా మంగళవారం ప్రకటన విడుదల చేసే అవకాశం ఉందని సమాచారం.
పాక్ ప్రదిపాందించిన ఈ హైబ్రిడ్ మోడల్లో భాగంగా నాన్ ఇండియా మ్యాచ్లు అయిన పాకిస్థాన్-నేపాల్, బంగ్లాదేశ్-ఆఫ్గనిస్థాన్, ఆఫ్ఘనిస్థాన్-శ్రీలంక, శ్రీలంక-బంగ్లాదేశ్ మ్యాచ్లను లాహోర్లోని గడాఫీ స్టేడియంలో నిర్వహిస్తారని.. మిగతా వాటిని శ్రీలంకలో నిర్వహించే అవకాశం ఉందని ఏసీసీ బోర్డు సభ్యుడు ఒకరు తెలిపినట్లు సమాచారం. ఆసియా కప్ 2023 సెప్టెంబర్లో ప్రారంభం కానుంది.
ఇప్పటివరకు భారత్, పాక్ క్రికెట్ బోర్డుల మధ్య సందిగ్ధత నెలకొంది. తమ దేశంలోని వేదికలపై ఆసియా కప్‌లో భారత్ ఆడకపోతే.. తాము వరల్డ్కప్‌ కోసం ఇండియాలో పర్యటించమని పాక్ చెప్పింది. పాక్ ప్రతిపాదించిన హైబ్రిడ్ మోడల్‌ను బీసీసీఐ అంగీకరించలేదు. దీంతో ఇరు జట్ల మధ్య మ్యాచ్‌ను చూడలేమని అంతా భావించారు. కానీ తాజా పరిణామంతో ప్రేక్షకులలో మళ్లీ ఆశలు చిగురించాయి.
Asai cup Pakisthan : అంతకుముందు యూఏఈని తటస్థ వేదికగా పాకిస్థాన్ ప్రతిపాదించింది. అయితే అక్కడ ఉష్ణోగ్రత ఎక్కువగా ఉంటుందని.. అందుకే ఆ ప్రతిపాదనను బీసీసీఐ తిరస్కరించింది. శ్రీలంక కూడా ఇదే కారణంతో యూఏఈలో ఆడటానికి మొగ్గు చూపలేదు. అయితే, అప్పటినుంచి వేదికగా శ్రీలంక పేరు వినిపించింది. ఈ వేదికకు పాక్ ఒప్పుకోక పోతే.. ఆ దేశం లేకుండా టోర్నీ జరుగుతుందని.. వార్తలు వచ్చాయి.
Asia cup 2023 BCCI : ఆసియా కప్ నిర్వహణపై పాకిస్థాన్ పట్టు విడవకపోతే.. ఆసియా కప్ రద్దు చేసేందుకు ఏసీసీ బోర్డు సిద్ధమైనట్లు అంతకుముందు ప్రచారం జరిగింది. ఈ ఆసియా కప్ టోర్నీ స్థానంలో ఐదు దేశాల టోర్నీ నిర్వహించాలని బీసీసీఐ ప్రతిపాదించినట్లు వార్తలు వచ్చాయి. కాగా, గతేడాది ఆసియా కప్ టీ20 మెగా టోర్నీలో భారత్, పాకిస్థాన్, శ్రీలంక, బంగ్లాదేశ్, అఫ్గానిస్థాన్లతో పాటు హాంగ్‌ కాంగ్‌ హోరాహోరీగా పోటీపడ్డాయి. అయితే ఈ మెగా ఈవెంట్‌లో శ్రీలంక ట్రోఫీని సొంతం చేసుకోగా.. పాకిస్థాన్ రన్నరప్‌గా నిలిచింది.
