kidambi srikanth news: ప్రపంచ బ్యాడ్మింటన్ ఛాంపియన్ షిప్ పురుషుల సింగిల్స్లో కిదాంబి శ్రీకాంత్ రజతం సాధించి చరిత్ర సృష్టించాడు. హోరాహోరీగా సాగిన ఫైనల్లో కియాన్ యో(సింగపూర్) చేతిలో 15-21, 20-22 తేడాతో ఓటమి పాలయ్యాడు. పురుషుల సింగిల్స్లో రజతం సాధించిన తొలి భారత ఆటగాడిగా నిలిచాడు.
శనివారం హోరాహోరీగా సాగిన సెమీఫైనల్లో శ్రీకాంత్ 17-21, 21-14, 21-17తో లక్ష్యసేన్‌పై విజయం సాధించి ఫైనల్ చేరాడు.
ప్రపంచ బ్యాడ్మింటన్ ఛాంపియన్ షిప్ మహిళల సింగిల్స్లో అకానె యమగూచి (జపాన్) స్వర్ణం సాధించింది. ఒకటో సీడ్ తైజు యింగ్‌ (చైనీస్‌ తైపీ)పై 21-14,21-11తో విజయాన్ని చేజిక్కించుకుంది. ప్రపంచ మూడో సీడ్ యమగుచి బీడబ్ల్యూఎఫ్ ఛాంపియన్స్ టైటిల్ని నెగ్గిన జపాన్ రెండో క్రీడాకారిణిగా చరిత్రకెక్కింది.
బీడబ్ల్యూఎఫ్ మిక్స్డ్ డబుల్స్లో థాయ్లాండ్ ద్వయం డెచాపోల్ పువారానుక్రో, సప్సీరీ తారత్తనాచై టైటిల్ సాధించింది. జపాన్ ద్వయం యుటా వటనాబే, అరిసా హిగాషినోను 21-13, 21-14తో ఓడించింది.
ఇదీ చదవండి:
