సూపర్స్టార్ మహేశ్బాబు కొత్త సినిమాకు అదిరిపోయే టైటిల్ అనుకుంటున్నారు. పరశురామ్ దర్శకత్వం వహిస్తున్న ఈ చిత్రానికి 'సర్కారు వారి పాట' అనే క్రేజీ పేరు పెట్టాలని భావిస్తున్నారు. ఈనెల 31న ఆయన తండ్రి సూపర్స్టార్ కృష్ణ జన్మదినం సందర్భంగా ఈ విషయాన్ని అధికారికంగా ప్రకటించనున్నారని సమాచారం. మైత్రీ మూవీ మేకర్స్ ఈ ప్రాజెక్టును నిర్మిస్తోంది. ప్రస్తుత పరిస్థితుల చక్కదిద్దుకున్న తర్వాత షూటింగ్ మొదలుపెట్టనున్నారు.
లాక్డౌన్ వల్ల ప్రస్తుతం ఇంట్లోనే ఉంటున్న మహేశ్.. కుమారుడు గౌతమ్, కుమార్తె సితారలతో ఆనందంగా సమయాన్ని ఆస్వాదిస్తున్నారు. అందుకు సంబంధించిన ఫొటోలు, వీడియోలను ఎప్పటికప్పుడు సోషల్ మీడియాలో పంచుకుంటూ అభిమానులతో టచ్లో ఉంటున్నారు.
