సమంత.. టాలీవుడ్లో ప్రభాస్ మినహా దాదాపు అందరు స్టార్ హీరోలతో నటించింది. డార్లింగ్తో మాత్రం ఇప్పటివరకు చేయలేదు. అయితే ఇప్పుడది నిజమయ్యేలా కనిపిస్తుంది!
నాగ్అశ్విన్.. ప్రభాస్ హీరోగా సైన్స్ ఫిక్షన్ సినిమా తెరకెక్కిస్తున్నారు. ఇటీవల ఈ మూవీ షూటింగ్ ప్రారంభమైంది. అంతకుముందు ఆయన దర్శకత్వంలో విడుదలై ఘనవిజయం సాధించిన 'మహానటి' సినిమాలో కీర్తిసురేశ్తో పాటు సమంత, విజయ్ దేవరకొండ, దుల్కర్ సల్మాన్ లాంటి స్టార్లు నటించారు.
ఇప్పుడదే సెంటిమెంట్ను కొనసాగిస్తూ తన సైన్స్ ఫిక్షన్ సినిమాలోనూ ప్రముఖ నటులను ఎంపిక చేసుకుంటున్నారు అశ్విన్. ఇప్పటికే బిగ్బీ, దీపికా పదుకొణెను తీసుకోగా ఇప్పుడు మరో రెండు ప్రధాన పాత్రల కోసం దక్షిణాది స్టార్స్ సమంత, పృథ్వీరాజ్ను తీసుకోవాలని యోచిస్తున్నట్లు తెలిసింది. ఇప్పటికే సామ్తో చర్చలు కూడా జరుగుతున్నాయని తెలిసింది. ఒకవేళ ఇదే కనుక నిజమైతే ప్రభాస్ సినిమాలో సామ్ నటించినట్లవుతుంది. మరి ఈ బడా నటులను ఎంపిక చేసుకునే సెంటిమెంట్.. అశ్విన్ కొత్త సినిమా విజయానికి దోహదపడుతుందో లేదో చూడాలి.
ఇదీ చూడండి: ప్రభాస్ ప్రతిష్ఠాత్మక సినిమా ప్రారంభం
