హీరో ప్రభాస్, దర్శకధీరుడు రాజమౌళి కాంబినేషన్లో వచ్చిన 'బాహుబలి' సిరీస్.. బాక్సాఫీస్ వద్ద ఘన విజయం సాధించింది. ఆ తర్వాత పాన్ ఇండియా ట్యాగ్తో భారీ బడ్జెట్ సినిమాలు రావడం మొదలైంది. అదే స్ఫూర్తితో ప్రభాస్.. 'సాహో' తీశారు. ఎన్నో అంచనాలతో విడుదలైన ఈ చిత్రం మిశ్రమ ఫలితాలు అందుకుంది. ఇందులో జరిగిన పొరబాట్లను సరిదిద్దుకొని మరో పాన్ ఇండియా సినిమాకు పచ్చజెండా ఊపేశాడు డార్లింగ్.
పీరియాడికల్ కథాంశంతో రూపొందుతున్న ఈ ప్రేమ కథా చిత్రంలో ప్రస్తుతం నటిస్తున్నాడు ప్రభాస్. 'జిల్' ఫేమ్ రాధాకృష్ణ దర్శకుడు. పూజా హెగ్డే కథానాయిక.
ఈ చిత్ర బడ్జెట్‌కు సంబంధించిన ఆసక్తికర విషయం బయటకొచ్చింది. ప్రభాస్కున్న క్రేజ్‌ను దృష్టిలో ఉంచుకొని ఈ సినిమాకు దాదాపు రూ.150 కోట్లకు పైగా బడ్జెట్‌ను కేటాయించారట నిర్మాతలు. ఇటీవలే యూరప్లో ఓ షెడ్యూల్ పూర్తి చేసుకొందని సమాచారం. గోపీకృష్ణ మూవీస్, యూవీ క్రియేషన్స్‌ సంయుక్తంగా నిర్మిస్తున్నాయి.
ఇదీ చూడండి: రజనీని తిట్టిన నిర్మాత... కసితో ఫారిన్ కారు కొన్న తలైవా
