ప్రముఖ హీరోయిన్ పూజా హెగ్డే ఇన్స్టా ఫాలోవర్స్ 11 మిలియన్లకు చేరుకున్నారు. అయితే అందరిలా కాకుండా వారికి విచిత్రంగా ధన్యవాదాలు చెప్పింది. తన రెండు కాళ్లను ఉపయోగించి 11 అంకె వచ్చేలా చేసి ఆకట్టుకుంది. ఈ ఫొటోను పోస్ట్ చేసి, అలా చేయడానికి గల కారణాన్ని వెల్లడించింది.
"ఈ ఏడాది ప్రారంభం నుంచి నా కాళ్ల గురించే మాట్లాడుకున్నారు(మీకు తెలుసని అనుకుంటున్నా). అందుకే ఇలా వైవిధ్యంగా పోస్ట్ పెట్టాలనుకున్నాను. మీరు నాపై చూపిస్తున్న ప్రేమాభిమానాలను సదా గౌరవిస్తాను" అని ఇన్స్టాలో పూజా రాసుకొచ్చింది.
ఈ సంవత్సరం ప్రారంభంలో 'అల వైకుంఠపురములో' సినిమాతో అలరించిన పూజా హెగ్డే.. డార్లింగ్ ప్రభాస్తో 'రాధేశ్యామ్'లో ప్రస్తుతం నటిస్తోంది. ఇటీవలే ఈ చిత్ర ఫస్ట్లుక్ పోస్టర్ను విడుదల చేయగా, అభిమానుల నుంచి విపరీతమైన స్పందన వచ్చింది. దీనితో పాటే అఖిల్ 'మోస్ట్ ఎలిజిబుల్ బ్యాచిలర్'లోనూ హీరోయిన్గా నటిస్తోంది.
