పవన్ కల్యాణ్ హీరోగా, వేణు శ్రీరామ్‌ దర్శకత్వంలో.. బాలీవుడ్ మూవీ 'పింక్' రీమేక్ తెరకెక్కుతోంది. శ్రీవెంకటేశ్వర క్రియేషన్స్‌ పతాకంపై దిల్‌రాజు ఈ చిత్రాన్ని నిర్మిస్తున్నాడు. వేసవి కానుకగా మే నెలలో ఈ సినిమాను ప్రేక్షకుల ముందుకు తీసుకురావటానికి సన్నాహాలు చేస్తోంది చిత్రబృందం.
పవర్స్టార్ 26వ చిత్రంపై అభిమానుల్లో ఎంతో ఆసక్తి నెలకొని ఉంది. ఈ సినిమా అప్‌డేట్స్‌ కోసం అభిమానులు ఆశగా ఎదురుచూస్తున్న తరుణంలో.. చిత్ర సంగీత దర్శకుడు తమన్‌ త్వరలో ఓ పాట విడుదల చేయనున్నట్టు ట్విట్టర్ వేదికగా తెలిపాడు.
ఫస్ట్లుక్.. ఫస్ట్ సాంగ్!
ఈ నేపథ్యంలో తాజాగా అభిమానులు పవన్ ఫస్ట్లుక్ గురించి సోషల్‌మీడియాలో చర్చ నడుస్తోంది. మార్చి 2న పవన్ సినిమా ఫస్ట్లుక్, మహిళా దినోత్సవాన్ని పురస్కరించుకొని మార్చి 8న ఫస్ట్‌సాంగ్‌ను విడుదల చేయనున్నారంటూ ఊహాగానాలు వినిపిస్తున్నాయి. ఫలితంగా ఈ చిత్రానికి సంబంధించిన హ్యాష్ట్యాగ్స్ సామాజిక మాధ్యమాల్లో ట్రెండింగ్లో ఉన్నాయి.
ఇదీ చూడండి.. మహేశ్ అభిమానులకు ఒకేరోజు రెండు సర్ప్రైజ్లు
